Kommuneqarfik Sermersuup utoqqaat innarluutillillu apuutaajaanikkut ikiorusuppai.
Utoqqaat innarluutillillu aputaajaassunneqarsinnaanngitsut ikiorneqarnissaannut 800.000 koruunit immikkoortinneqassasut Kommuneqarfik Sermersuumi kommunalbestyrelsip isumaqatigiissutigaa.
Kommuneqarfik Sermersuumi takorluugaavoq anguniagaallunilu utoqqaat innarluutillillu, sapinngisamik sivisunerpaamik najugartik najortassagaat. Tamanna pivisunngortinneqassappat pingaaruteqarluinnarpoq innuttaasut pineqartut namminneerlutik najugartik iserfigisinnaallugulu aniffigisinnaanissaat.
Tamanna piffissami nittaalluarfiusumi ajornakusoorsinnaavoq. Suliniummilu matumani kommunalbestyrelsip neriuutigaa utoqqaat innarluutillillu inuunerannik oqilisaassinnaajumaarlugit.
Piffimmiit piffimmut assigiinngissutsit
Kommuneqarfik Sermersooq isorartoqaaq, tamannalu isumaqarpoq innuttaasunut aputaajaassussinissamut neqeroorutaasinnaasut piffimmiit piffimmut assigiinngissinnaaneri. Tamannalu peqqutigalugu neqeroorutigineqartoq aputaajaanerusinnaavoq imaluunniit pineqartunik pisiniuussineq.
Isumaginninnermut Suliffeqarnermullu Ingerlatsivimmit missaliorneqarpoq, kommunimi innuttaasut 45-it missaat neqeroorummik pisariaqartitsisut.
Aputaajaassineq pisiniussinerluunniit utoqqarnut innarluutilinnullu, suliassamik suliarinnissinnaasunik illoqateqanngittunut neqeroorutaavoq. Inissiaatileqatigiiffimmi, aputaajaanermik akisussaaffimmik tigummiaqartuusumik ineqarfeqaruit, uani ikiorneqarnissamut innersuunneqarsinnaanngilatit.
Neqeroorutaasoq 2018-imi ingerlareerpat, kommunip nalilersussavaa, suliassaq qanorpiaq akeqarnersoq. Taassuma tungaagnut utoqqarnik innarluutilinnillu aputaajaassinissamut 2018-imi 800.000 koruuninik immikkoortitsisoqarpoq.