Kommuneqarfik Sermersuup kulturi tapersersorpaa – illit pilersaarut pilersinniakkat tulliullugu tapersersussavarput?
Sermeq Tapiissuteqartarfik qinnuteqaateqartussarpassuarnik pissanganartunik pissarsinissaminut kingumut piareerpoq.
Tassa qanorluunniit kulturikkut eqqumiitsuliornikkullu piginnaaneqaraluaruit qinnuteqarsinnaavutit uunga: KULTUR@SERMERSOOQ.GL
– qinnuteqaatit tigoreersimassavarput kingusinnerpaamik 1. oktobarip 2017 nal.12.
Piumasaqaatit, malittarisassat pillugit kiisalu qinnuteqarnissamut immersugassaq Kommuneqarfik Sermersuup nittartagaani annertunerusumik paasissutissanik aallersinnaavutit uani sermersooq.gl.
Apeqqutissaqaruit mailikkut nassiussigit uunga kultur@sermersooq.gl
Qinnuteqaativit tigunissaa qilanaaraarput.
Kultureqarnermut immikkoortitat kulturikkut suliaqarnermi nutaanik misileraaffiusunik pilersitsinissamut kulturimillu suliaqartut assigiinngitsut, namminersorlutik inuussutissarsiortut kommunimilu innuttaasut akornanni suleqatigiinnermik siuarsaanermut atorneqassapput.
Kommuneqarfik Sermersuumi innuttaasunut kommunimullu tikeraartunut kulturikkut ingerlatanut tapiissuteqartoqarsinnaavoq.
Peqatigisaanik kultureqarnermut immikkoortitat iluanni siunertaavoq suliniutit immikkuullarissut pisoqartitsinerillu ukiut tamaasa ileqqoralugu ingerlanneqartartut najukkami kulturikkut suliaqartunit aaqqissuunneqartut tapersersornissaat.
Ukiut arlariit tulleriit kultureqarnermut immikkoortitanit tapiiffigineqarsinnaaneq qularnaveeqquserneqarsinnaanngilaq.