Innuttaasunut

Nunat Avannarliit Nuummi kulturisioqatigiinnerat 2017 pillugu tusagassiuutitigut nalunaarut

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Qaammat ataaseq qaangiuppat –  oktobarip ulluisa 16-ianiit 21-anut – Nunat Avannarliit Nuummi kulturisioqatigiinnerat 2017 pissaaq.

Nunat Avannarliit Nuummi kulturisioqatigiinnerat 2017.

Kulturikkut misigisassat amerlasuut ingerlanneqassapput, ilaatigut isiginnaartitsinerit, tusarnaartitsinerit, qitillutik takutitsisut, operamik tusarnaartitsineq, eqqumiitsulianik saqqummersitsinerit, atuagassialerinertallit allarpassuillu – ataatsimut katillugit kulturikkut aaqqissuusat 250-it sinnerlugit.
Sapaatip-akunnerata ingerlanerani kulturikkut pikialaartitsinerit ingerlanneqassapput, ilaatigut isiginnaariartoqarsinnaavoq, aliikkusiartoqarluni, saqqummersitsisoqassaaq atuffassisoqassallunilu Nuummi sumiiffinni 50-ini assigiinngitsuni. Ilaatigut Nunatta Isiginnaartitsiviani ingerlanneqassapput, Nunatta Atuagaateqarfiani, sumiiffinnilu assigiinngitsuni tamanit orninneqarsinnaasuni, Inussivimmi, Katuami sumiiffiillu assigiinngitsorpassuit illoqarfiup iluani siaruaqqasut.
Isiginnaartitsinerit, tusarnaartitsinerit, saqqummersitsinerit atuffassinerillu saniatigut workshoppertitsinerit, isumasioqatigiinnerit tamanullu isumasioqatigiisitsinerit pilersaarusiorneqarsimasut ingerlanneqassapput.
Pilersaarut tamakkerlugu sapaatip-akunnerni qaninnerni tamanut saqqummiunneqassaaq.

Nammineq kajumissutsikkut ikiuugit sapaatip-akunneratalu ingerlaneranut sunneeqataallutit:

Nammineq kajumissutsiminnik ikiuisinnaasunik amigaateqarpugut.  Nammineq kajumissutsiminnik ikiuuttut allattorsimaffianut allatsinniarluni ataqatigiissaarisoq Marina Aslaug, marina@nuuknordisk.gl saaffigineqarsinnaavoq imaluunniit mobilianut sianerluni +299 25 64 44.

Kajumissutsimik ikiuunnerup iluaqutai makkuupput:

• Nunat Avannarliit Nuummi kulturisioqatigiinnerat 2017-imi aaqqissuusat tamarmik akeqanngitsumik orniguffigisinnaavatit.
• Atisanik ilusilersuisartup Bibi Chemnitzip suliaanik pooqattanik tunissutissiaaqqanik imalimmik tunineqassaatit.
• Nerisassatit pikialaartitsisoqarnerata nalaani isumagissavavut.
• Nerisarfittut immikkoortortatsinni Food Courtimi nammineq kajumissutsiminnik ikiuuttunut peqataasunuinnarlu nerisarfiusumi Nunanit Avannarlerneersut Kalaallit Nunaaneersullu eqqumiitsuliortut tusarnaartitsisartullu naapinnissaanik periarfissaqassaatit.

Eqqumiitsuliortut ilaatigut makkuupput:

Daina Ashbee eqqumiitsuliortoq, isiginnaartitsisartoq qitinnermillu ataqatigiissaarisartoq Montrealimeersoq. Eqqumiitsuliortariaatsimikkut ilisarnaatigaa sammisat, oqaluuserisassat paqumigineqartulluunniit, soorlu arnat suiaassusaat, Métis-identiteti silap allanngoriartornera pillugu tunngassuteqartunik katiterinikkut saqqummiussisarnera. Dainap pinngortinneqarneq nammineq qinikkatut isigaa aamma tarnikkut misigisassatut isigaa, tamannalu siuaani, silarsuarmullu attaveqarnikkut ingerlassasoq upperaa.
Dalija Acin Thelander qitinnermik ataqatigiissaarisuuvoq maannakkullu Stockholmimi najugaqarluni. Maanna 2017-ip ukiaanerani suliaminik annertuumik, Royal Opera sinnerlugu suliaminik, ammaanersiortitsisussaavoq. Qitinnermik ataqatigiissaarinerminni isiginnaartitsisuni malinnaatilluarlugit tiguartilluarnissaat sulissutigisarpaa, taamaattorli aamma eqqissinermik pilersitsiniartarluni, taamalu sakkortuumik allanngorartumillu isiginnaartitsineq ingerlanniartarlugu. Tamanut saaffiginnittunut takutitassiortarpoq, tassa nukarlernut utoqqaanerusunullu.
Sturle Dagsland qatanngutigiit marluk nipilersortartut Norgemeersut aapparaa. Misigissusilimmik, nutaaliortumik Sturles nipaata erseqqarissusaanik allanngorartitsineranik nipilersortariaatsitut ilisarnaateqarput. Nipaata immikkuullarinnerata allanngorarsinnaassusaalu ilaatigut peqqutaallutik Københavnimi 2012-imi ’Emerging Artist-prisen’-imik tunineqarpoq.

Uani nittartakkami tamanit alakkarneqarsinnaasumi billetimik pisisoqarsinnaavoq: http://nuuknordisk.gl/kl/ilaanniarit

Aaqqissuusisut:

Nunat Avannarliit Nuummi kulturisioqatigiinnerat 2017 Nunani Avannarlerni Piorsarsimassutsikkut Attaveqaat, NAPA Kommuneqarfik Sermersuullu suleqatigiinneranik ingerlanneqarpoq.

Nunat Avannarliit Nuummi kulturisioqatigiinnerat 2017 ukunannga tapersersorneqarpoq:

Aningaasaateqarfiit:
• Nuna Fonden.
• Nordisk Kulturkontakt.
• Nordisk Kulturfond.
• Nunani Avannarlerni Piorsarsimassutsikkut Attaveqaat
• Aningaasaateqarfik Sermeq
• Nunat Avannarliit Killiit illoqarfittut pingaarnersaasa aningaasaateqarfiat
• Det Grønlandske Fond
• Tips- og Lotto aamma Namminersorlutik Oqartussat Kulturimut tapiissutigisartagaat.
• Quebec Kulturfond

Suleqataasussat:
• Nuummi Eqqumiitsulianik Katersugaasivik
• Nunatta Isiginnaartitsisarfia
• Isiginnaartitsisartunngorniarnermik Ilinniarfik
• Nunatta Atuagaateqarfia
• Magasinet LARM
• Nunatta Katersugaasivia
• Katuaq
• Film.GL
• Sermersooq Business Council (Colourful Nuuk)
• Kalaallit Atuakkiortut
• Groenlandica
• KIMIK
• NQQRMT
• Nuima
• EPI
• Qiajuk Studio
• Ilimmarfik
• Visit Greenland
• Neriusaaq
• Illorput
• Bibi Chemnitz
• NUIF
• Sermersuumi Nipilersornermik Ilinniarfik
• KNR

Aningaasaliisut:
• Air Greenland
• Inussivik
• LNS Greenland
• Blue Water
• Arctic Import
• Arctic Logo
• Tele Post
• Nuuk Imeq
• Canada Goose
• Brugseni
• Royal Greenland
• Hotel Nordbo
• Sømandshjemmet
• Grønlandsbanken