Tallimanngorpat Nuummi containereqarfittaaq ammaanersiorneqassaaq. Pisortatigoortumik ammaanersiornissamut akeqanngitsumik busserlutit najuukkiartorsinnaavutit.
Sikuki Nuuk Harbour aamma Royal Arctic Line containereqarfittaamik tallimanngorneq 22. septembari nal. 14.30 pisortatigoortumik ammaanersiortitsiniarput. Sumiiffia Qeqertanut 46.
Containereqarfittaap ammaanersiorneranut bussi siulleq aallassaaq Kommuneqarfik Sermersuup Allaffianit nal. 14.00. Tamatuma kingornagut bussi akunnerup affakkaartumik angallassilissaaq. Kommuneqarfik Sermersuup Allaffianit bussi kingulleq aallassaaq nal. 17.00.
Bussit ingerlaffissaat pillugu takussutissaq takuuk
Takussutissami takusinnaavat, bussi sumut qaqugulu unissanersoq. Bussi kingulleq Qerqartat-niit nal 17.15 aallassaaq kommuneqarfiullu allaffiata eqqaanut angallasseqqissanani unissalluni nal. 17.30. Bussi normoqanngilaq, sumunnarfissaalu ima allaqqavoq: Kommuneqarfik.
Pisortatigoortumik ammaanersiorneq nal 14.30 aallartinneqassaaq. Ammaanersiortoqareerpat kaffillertoqassaaq, taavalu nal. 17.00 tungaanut umiarsualivittaami takuniaatitsisoqarluni.
Qeqertanut-ni sanaartornemi suliarineqarnikuupput containereqarfik 47.000 kvadratmeterinik angitigisoq, kivittaatit, quersuaq, allaffiit iluarsaasarfillu.