Paamiuni Aasiveeraq

Paamiut tunngavilerneqarnerannit ukiut 275-it qaangiunnerat malunnartinniarlugu Paamiormiut Aasiveerartinneqarneranni tatsimi sikkilertoqarpoq, umiariartoqarluni, igaasartoqarluni nipilersortunillu assigiinngitsunik tusarnaartitsisoqarpoq.

Ukioq manna Aasiveerartitsisoqarnerani Paamiormiut meeqqat, inuusuttuaqqat inersimasullu katillugit 200-t missaanniittut illoqarfiup ungatinnguani tatsip eqqaani assigiinngitsunik aliikkusersoqatigiipput.

Aasiveerartitsineq sukisaarsartarfimmit ’Kalaalermit’, ornittakkamit ’Nanumit’, meeqqerivimmit ’Meeqqamit’ aamma Peqqinnissaq Sunngiffimmilu immikkoortortamit, Meeqqanut Ilaqutariinnullu immikkoortortaqarfianit suleqataaffigineqartumik aaqqissuunneqarpoq.

Aasiveerarnermit assit massuma ataani isiginnaarneqarsinnaapput: