Ukiormanna umimmanniarnissamut makitsinermi ajuusarnaqisumik kukkuluttortoqarsimavoq.
Tassanilu innuttaasut umimmanniarnissamik immersugaasa tigoorarneqarnerannik Inuussutissarsiutigalugu piniartut aammalu sunngiffimmi pinialuttartut ulapinnerujussuup nalaani pappilissat iliorarneqartut ataatsimut liste-mut ilannguttoorneqarsimallutik.
Taamaattumillu Inuussutissarsiutigalugu piniartut umimmannik pingasoraartussaagaluartut marluinnanngorlugit aaqqiivigineqarlutik. Taassumallu nassataraa makitsinermi Facebook live atorlugu ingerlanneqartumi makitaasut 11-nillit eqqorneqartussanngorlutik.
Taakkua 11-nillit venteliste-mut ilineqartussanngorlutik. Tassani pisassiissutaasut 150-iusut tamakkerlugit tunniunneqassappata.
Taamaattumik innuttaasut umimmanniarnissamut makitaasimasut paasigunikku arlaatigut pissuteqarlutik umimmattassartik pisarisinnaajunnaarlugu piaartumik uterteqqullugit utaqqisunut tunniunneqarniassammata. Kingusinnerpaamillu 26. august 2024 uterteqquneqarlutik, taamaasillutik utaqqisunut agguaateqqinneqassallutik.
Kukkuneq ajuusarutigaarput aammalu ilisimatitsissutigissallugu taamatut kommuneqarfik Sermersuup aaqqiisimanera Aalisarnermut Piniarnermullu Naalakkersuisoqarfiup nalunaarutigineqarluni.
Umimmanniarnissamut makitaanikut liste aajuna taavalu piniartut marlunnik tamarmik pisassallit Taava utaqqisuniittut.
Umimmanniarnissamut Kangerlussuarmut, makitaasut aajuku. Taavalu Piniartut marlunnik pisassaqartut tamarmik. Ilisimatitsissutigereernikuusatsinnik utaqqisuniittoqartariaqarnera, tassaniipput utaqqisut 11-it.