Kunngi nulialu pisortatigoortumik siullermeerlutik Kalaallit Nunaannut, aamma Kommuneqarfik Sermersuumut, tikeraaqqammerput borgmesterimillu Avaaraq Olsenimit Nuummi tikilluaqquneqarput. Assiliisoq Inuuteq Kriegel angalanermi peqataavoq assilisaalu takuneqarsinnaapput uani.
Ataqqinartorsuaq Frederik aamma ataqqinartorsuaq Mary umiatsiamik Nuup Saavanut tikipput, tassani innuttaasunit untritilinnit nuannaartunit tikilluaqquneqarput.
Tassanngaanniit kommunip allaffianut ingerlaarput tassanilu Ataqqinartorsuit kunnginngortoqarneranut atatillugu kommunip pisortatigoortumik tunissutaa tunniunneqarpoq. Aarrup niaqua Nuummi eqqumiitsuliortumit Kim Kleist-Eriksen-imit kusassarneqarsimasoq. Taassuma saniatigut Kunngikkormiutut ataqqinassusillit Prins Vincent aamma Prinsesse Josephine qullermik ikitsinermut peqataapput
Tamatuma kingornatigut atuarfissuaq nutaaq Atuarfik Inussuk Kunngikkormiunit pulaarneqarpoq, tassanngaanniillu mittarfittaami tikittunut aallartussanullu aqqusaarneqartartoq alakkarneqarpoq.
Illoqarfimmi angalaarneq sanaluttarfimmi naggaserneqarpoq, tassani issittumi ilisimasassarsiortartunut arnartaasartup Arnarulunnguup eqqaassutissaa suliarineqarpoq.
Kunngip nuliatalu Nuummi tikeraarnerisa ulluata aappaani Ataqqinartorsuup Dronningip ulluunerani paaqqinnittarfik Naasut pulaarpaa, tassani Mary Fonden-ip pimmatiginnittarnerup akiorniarneqarneranut suliniutaa “Kammagiitta” qanoq atorneqartarnera Dronningip paasisaqarfigivaa, Kunngillu Nuussuup Atuarfia pulaarpaa, tassani atuartut Fonden for Entreprenørskab-ip sammisassaqartitsineranut peqataasimasut naapinneqarput.
Inuuteq Kriegel-ip assilisai kusanartut (assillu pingasut Aputsiaq Arens-ip assilisai) ataani takuneqarsinnaapput.
