Tasiilami piffissap misileraaffiusup iluatsilluartup kingorna, siunissami ikuallattoqartillugu ajunaartoqartillugulu 113-imut sianertoqartassaaq. Tamannali Tasiilap illoqarfianut kisimi atuuppoq, sianerfissaq taanna nunaqarfinni eqqaamiorisani atuutinngilaq.
Isumaqarpoq, 113-imut sianerluni qatserisarfik ajornanngitsumik sukkasuumillu saaffigineqarsinnaasoq, pinartunik pisoqassagaluarpat. Sianerfissaq nutaaq ajutoortoqartillugu sianerfissamut 6-inik kisitsisitalimmut pisoqalisumut taartaassaaq. Nunaqarfinni eqqaamiorisani innuttaasut upalungaarsimasunut kalerriissagaangamik ikuallattoqartillugu toortakkat pisortanit atugassiat suli atortassavaat.