Aasaanerani atuanngiffeqarneq sulinngiffeqarnerlu sukkasuumik qanilliartorpoq, tamatumunngalu atatillugu Kommuneqarfik Sermersooq meeqqanut inuusuttunullu nuannersunik, pissanganartunik ilikkagaqarfiusunillu arlalinnik neqeroorutissaateqarpoq. Kikkunnut tamanut susassaqartitsisoqartassaaq, taamaattumik aasap ingerlanerani arlaanik pilersaaruteqanngikkuit, susassaqartitsinernut nuannersunut peqataajartortarnissannut tikilluaqqusaangaarputit, assersuutigalugu makku sammineqartassapput arsaanneq, assammik arsarneq, workshopperneq, qitinneq allarpassuillu.
Maana Nipilersornermik ilinniarfimmut, Sunngiffimmi atuartitsinernut, atuanngiffeqarnermilu sammisassaqartitsinernut peqataanissamut nalunaarsinnaavutit: