Ileqqoq malillugu juunip 21-anni Inuiattut ullorsiornitsinni puiseqqaanniuunnissamut peqataarusuppit?
Inuiattut ullorsiornermi Nuummi ileqqoq malillugu puiseqqaanniuutsitsisoqassaaq. Puiseqqaanniunneq pillugu paasissutissat ataani atuarsinnaavaatit. Inuiattut ullorsiornermi pilersaarutit qanittukkut avammut nalunaarutigineqassapput, aaqqissuussat pissangartut assigiinngitsut tassani atuarsinnaajumaarpatit.
Puiseqqaanniuunneq:
Nal. 07.50 – peqataasussat piareersassapput
Peqataasussat nalunaarsimasut tamarmik Nuup Saavani katersuutissapput.
Nal. 08.30 – Aallarneq
Naalakkersuisut Artisk Kommando peqatigalu puiseqqaarniuunneq qamutilittarnikkut aallartissavaat. Puiseqqaanniuunneq qamutilittarnerit pingajussaanni aallartissaaq.
Puiseqqaanniuunnissamut peqataanissamut piumasaqaatit
- Puiseqqaanniuunneq aallartitsinnagu nalunaarneq
- Puisit suulluunniit piniarneqarsinnaapput
- Sunngiffimmi piniarnermut (inuussutissarsiutigalugu piniarnermulluunniit) allagartaq pisariaqarpoq
- Pisaqarsimagaanni nalunaarsorneqarnissaa
Qanoq ajugaasoqassava?
Ajugaasutut nalunaarutigineqartussat tassaapput puisimik pisaqaqqaartut pingasut Nuup Saavanut tikiusseqqaartut. Ajugaasunik suaaruteqartoqannginnerani puisit nutaassussaat misissorneqaqqaassapput, neqiillu puisinit pisarineqartuneersut pisarneq malillugu utoqqaat illuinut tunniunneqarumaarput.
Pinnatassat
Puisimik tikiusseqqaartut pingasut pinnatassaqarput. Ajugaasut pisaqaqqaarsimasutuinnaq pinnatik aamma pinnatassaqarput, tassani ilaatigut gummibådi nutaarsuaq aamma aquuteralak imaluunniit pinnatassat assigiinngitsut (goodiebag) pinnatarineqartussaallutik. Pinnatassat Yama-Tekimiit Nuuk Marine Centerimiillu tunissutigineqarput.
Nalunaarneq
Ukioq manna puiseqqaanniuuttoqarnerani peqataaniaraanni nalunaarsimasariaqarpoq. Peqataasussat nalunaarsimanermut uppernarsaammik pinnassimasut kisimik peqataasinnaallutillu pinnatassanik pissarsisinnaapput. Nalunaarniaruit ima-iliorsinnaavutit:
- Juunip 21-anni ullaakkut kingusinnerpaamik nal. 08.00, Nuup Saavani nalunaarsinnaavutit.
- Mailimut free@sermersooq.gl -imut allallutit, uku paasissutissat nassiullugit:
- Atit – kinguliat ilanngullugu
- Inuttut normut (cpr)
- Kontonormut
(Paasissutissat kommunimi naatsorsuuserinermi kisimi atorneqassapput, taakku pinnatassanik tunniussilernermi atorneqartussaammat. Puiseqqaanniuuttoqareerpat paasissutissat peerneqarumaarput)
Inuiattut ullorsiornitsinni puiseqqaanniuunnissamut peqataanissat qilanaaraarput!