Nittartagaq nutaaq, www.visit-paamiut.com, takuneqarsinnaalerpoq. Nittartagaq pilersinneqarpoq Paamiut illoqarfittut takornarialerinikkut tapersersorniarlugu, Paamiullu tikeraanut tunniussinnaasai ammaassivigalugit.
“Nittartakkap ilusilernera takujuminartuuvoq, Paamiunilu takornariaqarnerup ineriartortinneqarnera ilutigalugu nittartakkap ataavartumik paasissutissanik amerlanerusunik nutarterneqartarnissaa anguniagaraarput,” Mads-Daniel Skifte oqarpoq, Kommuneqarfik Sermersuumi inuussutissarsiornermut pisortaq. Nittartagaq tuluttut oqaasertalerlugu aallarnerneqarpoq, nunarsuulli sinneranit inunnit amerlanerusunit takuneqarsinnaanissaa anguniarlugu allamiut oqaasii assigiinngitsut amerlanerusut atornissaat pilersaarutaavoq.
Aasamut umiarsuit takornariartaatit 16-init ikinnerunngitsut Paamiunut tikinnissaat pilersaarutaavoq, Paamiunut takornariat 15.000-usinnaallutik.