Nuup siunissaa kiisalu illoqarfiit pingaarnersaat pillugu periusissiaq nutaaq pillugit inuussutissarsiornermut sammisalinnut workshoppertitsisoqarnissaanut borgmesterip Avaaraq Olsenip qaaqqusineranut nalunaarnissannut suli periarfissaqarputit. Aaqqissuussineq Katuami marlunngornermi maajip 21-anni ingerlanneqassaaq.
Ukiunut tulliuttunut qulinut atuuttussamik illoqarfiit pingaarnersaat pillugu periusissiaq nutaaq Kommuneqarfik Sermersuumi suliaralugu ingerlaruttulerpugut, tassanilu inuttaasunik aammalu susassaqartunik assigiinngitsunik peqataatitsineq annertuumik pingaartinneqarpoq.
Tamanna pillugu inuussutissarsiornermut sammisallit ataatsimeeqatigiinnissamut workshoppimut aggersarneqarput, tassani eqqartorneqassaaq illoqarfiit pingaarnersaat pillugu periusissiaq, taaneqartoq: ”Nuuk 2035 – ataatsimoorluta siunissarput”. Ilissi isummasi malillugit illoqarfiit pingaarnersaat pitsaasoq pilersinneqassappat, illoqarfiit pingaarnersaannik pilersitsinissamut sinaakkutit suut pingaaruteqarnersut Sermersuumit ilissinnit tusarusunneqarpoq.
Ulloq: Marlunngorneq maajip 21-iani 2024
Piffissaq: nal. 09.30 – 12.00
Sumi: Katuap inersuaaraani
Ataatsimiinneq illoqarfiit pingaarnersaat pillugu periusissiaq pillugu suleqatit aqutsisuujumaartut tassaapput: Rambøll, Pikiala aamma tntnuuk.
Nalunaarfissaq kingulleq tassaavoq tallimanngorneq maajip 17-ianni 2024
Nalunaarnissaq piumasaqaataavoq, taannalu mailikkut pissaaq: maliina@pikiala.gl