Nuummi 4A6 – Nuummi Pinguaqqap eqqaani Inissiaqarfimmi sanaartorfissami 15-imut maanna qinnuteqartoqarsinnaalerpoq.
Nuummi 4A6 – Nuummi Pinguaqqap eqqaani Inissiaqarfimmi sanaartorfissaq kommunip maanna nalunaarutigaa.
- Sanaartorfissaq 15: 440 m2
Kommunimut pilersaarummut tapiliussami immikkoortoq 4A6 -Nuummi Pinguaqqami inissiaqarfik, pillugu immikkoortumi suut atuuttuunersut sukumiisumik atuarlugu paasiniarluarnissaa pingaaruteqarpoq.
Kommunimut pilersaarummut tapiliussaq Sanarfinermut Avatangiisinullu Ingerlatsivik saaffigalugu pissarsiarineqarsinnaavoq, imaluunniit kommunip nittartagaani https://kp.sermersooq.gl atuarneqarsinnaavoq.
Kommunimut pilersaarummut tapiliussami nassuiaammi aamma aalajangersakkanit tigulaakkat:
Immikkoortumi nunaminertaq 10,1 ha. missaannik annertussuseqarpoq.
Immikkoortoq akuleriinnik inissialianut paaqqinnittarfinnullu atungassiaritinneqarpoq
Sanaartugaq ataatsimoortutut isikkoqassaaq. Immikkuualuttuni A-mi, B-mi C-milu sanaartorfissani taakkunani quleriiaat pingasut tikillugit sanaartortoqarsinnaavoq.
Qinnuteqartut uku eqqumaffigissavaat:
- Kinaluunniit inatsisitigut pisinnaatitaasoq, inuit ataasiakkaat, suliffeqarfik, ingerlatseqatigiiffik imaluunniit peqatigiiffik nunaminertamik atugassinneqarnissamik qinnuteqarsinnaavoq, ilaquttatut qanigisap arlalinnik qinnuteqaateqarsinnaannginnera eqqumaffigiuk.
- Makitsinermi qinnuteqarsinnaatitaasut tamarmik makitsinissamut ataatsimik peqartarnerat tunngaviusarpoq. Taamaalillunilu katissimallugu aapparisaq, inuk inoqutigiinneersoq, inuit allat qinnuteqaammut tunngatillugu imaluunniit toqqaannartumik attuumassuteqartut – ataatsimoorussamik soqutigisaqaqateqartut, imaluunniit ingerlatseqatigiiffinnut inunnullu ingerlatseqatigiiffimmiittunut – piginnittutut imaluunniit ingerlatseqatigiiffiup aqunneqarneranut ilaasut – allalluunniit ingerlatseqatigiiffimmut taassumaluunniit aqunneqarneranut qanimut attuumassuteqartut makitsinermi peqataatinneqarsinnaanngillat, nunaminertanut ataasiakkaanut ataasiinnarmik qinnuteqaateqartoqarsinnaammat. Aamma suliffeqarfissuarnut tamanna atuuppoq. Assersuutigalugu aappariinnut marluusunut, imaluunniit ingerlatseqatigiiffimmut taassumalu pisortaaneranut imaluunniit ingerlatseqatigiiffinnut marlunnut ataatsimik pingaarnertut aningasaliisulinnut il.il. immikkut qinnuteqarnissaq inerteqqutaavoq.
- Qinnuteqaateqartoq nunaminertanik sanaartorfiunngitsunik peqaruni, nunaminertanik sanaartorfiunngitsunik allanik pisariaqartitsineq allaqqunneqarsinnaanngitsumik uppernarsaasiissaaq, aammalu nunaminertani siornatigut atugassiissutaasimasuni sanaartorneq annertuumik kinguarsarneqarsimappat, qinnuteqaatip itigartitsissutiginissaanut ingerlatsivik pisinnaatippoq.
- Qinnuteqartoq pisortanut akiitsoqarsimaguni, matumanilu sanaartorfigissaanissamut piginneqataalluni akilersimanngisaminik, qinnuteqaatip itigartitsissutiginissaanut ingerlatsivik pisinnaatippoq. Qinnuteqartoq suliffeqarfiusimaguni qulaani taaneqartut atuutsillugit, tassa suliffeqarfik, suliffeqarfiup piginnittua, inuit aqutsisunut ilaasut imaluunniit inuit suliffeqarfimmi aalajangiisutut sunniuteqartut, pisortanut akiligassaminnik akiitsoqanngitsut.
- Qinnuteqaateqarfissaq qaangiuppat qinnuteqaatit ammarneqarpata malittarisassat eqqortumik malinneqarsimanersut nalilersuisoqassaaq. Malittarisassat malinneqarsimanngitsut paasineqarpat qinnuteqartut malittarisassanik unioqqutitsisut peerneqassapput.
Qinnuteqaammut ilanngunneqassapput
- Pilersaarummik allaaserinninneq, makku imaralugit:
- Illumik atuineq pillugu allaaserinninneq kiisalu sanaartukkap m2-mut annertussusaata katinnera
- Sanaartorfissap ataatsimut qanoq atornissaanik allaaserinninneq. Tamatumani sanaartukkap ataatsimut silataani nunaminertat ilaatinneqarput, matumanilu biilinut inissiisarfik.
- Sanaartornissamut piviusorsiortumik piffissamik pilersaarusiorneq, nunaminertamik atuinissamut inniminniinermut nunaminertamillu atugassinneqarnermut piffissaritinneqartunik atuuttunik malinnittumik.
- Aningaasaliisinnaassuseqarnermik uppernarsaat: Qinnuteqartup sanaartugassatut qinnuteqaatip piviusunngortinnissaanut aningaasatigut periarfissani uppernarsassavai inatsisit malillugit piffissaliunneqartup iluani. Aningaaserivik imaluunniit aningaaserivik alla uppernarsaassaaq qinnuteqartoq qinnuteqarnerata nalaani aningaasaqarneranik pisariaqanngitsumik kinguarsaanani sanaartornissap piviusunngortinneqarnissaanut periarfissaqartoq. Uppernarsaanermi qinnuteqartup ukiuni arlalinni atorunnaarsinneqarsinnaanngitsumik attartortitsisuunini pillugu aalajaatsumik attartortoqarnera imaluunniit pissutsit tassunga assingusut apeqqutaatinneqassanngillat. Sanaartugassap aningaasalerneqarnissaanut qinnuteqartup nammineq aningaasaqarnera naapertuutissaaq. Uppernarsaat aningaaseriviup inatsiseqartitsinikkut pisussaanera pillugu nangaassummik imaqassanngilaq – aningaaserivik uppernarsaanerup suliamut tunngasuuneranik pituttorsimavoq akiliisinnaassutsimut nalinginnaasunik piumasaqaatinut tunngatillugu.
- Pisortanut akiligassanik akilerneqanngitsunik peqannginnermut tunngasunik ilumoorluinnarluni uppernarsaaneq.
Qinnuteqaatit taakkuninnga paasissutissanik uppernarsaatinillu imaqartut kisimik akuerineqartussatut ilanngunneqassapput. Qinnuteqaatip tamakkiisuunissaa eqqortumillu paasissutissiinissaq qinnuteqartup qulakkiissallugu akisussaaffigaa. Qinnuteqartitsinerup naannginnerani kommunip qinnuteqaatinik nakkutilliissanngilaq.
Qinnuteqaatit tamarmik 10 maj 2024 sioqqullugu imaluunniit kingusinnerpaamik ulloq taanna nal. unnuap qeqqartinnagu tiguneqarsimasut ataatsikkut tiguneqartutut isigineqassapput. Qinnuteqaatit 31. maj 2024 unnuap qeqqata kingornatigut tiguneqartut ilaatinneqassanngillat.
Atugassiinerup ingerlanneqarnera
Piumasarineqartunik naammassinnissimasut akornanni Kommuneqarfik Sermersooq makitsissaaq qinnuteqarnissamut piffissaliussap kingornagut ilimagisamik sapaatip-akunneri ataaseq, marluk tikillugit. Qaqugu makitsisoqassanersoq pillugu qinnuteqartut nalunaarfigineqarumaarput. Makitsineq kikkunnut tamanut ammavoq kommunillu nittartagaatigut facebookikkullu qupperneratigut nalunaarutigineqarumaarluni.
Aammattaaq Kommuneqarfik Sermersuup nunaminertamik atugassiisarnermik nalinginnaasumik aalajangersagai innersuussutigineqarput. http://www.kp.sermersooq.gl
Annertunerusumik paasissutissat Sanarfinermut Avatangiisinullu Ingerlatsivimmut paasiniarneqarsinnaapput, sai@sermersooq.gl
Nunaminertamik inniminniiniarluni qinnuteqaat uunga nassiunneqassaaq, Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk, imaluunniit elektroniskimik uunga sai@sermersooq.gl