2023 aallarnerfigalugu pisortaniit aningaasanik tunniussisarneq NemKonto aqqutigalugu pisalissaaq. Taamaattumik innuttaasutut suliffeqarfittullu aningaaserivinni NemKontoqarnerlutit qulakkiissallugu pingaaruteqarpoq.
Siunissami NemKontoqalersimanngikkuit kommunimiit pisortalluunniit suliffeqarfiutaanniit aningaasat pisassatit tigusinnaassanngilatit. Ilaatigut pineqarlutik akissarsiat, ineqarnermut tapiissutit, pensionit aamma SU. NemKonto-qarnissaq inatsisitigut piumasaqaataavoq. Taamaattumik Kommuneqarfik Sermersuup tungaaniit innuttaasut kikkulluunniit suliffeqarfiillu kaammattorneqarput NemKontop aningaaserivimminnut attuumassusernissaa qulakkiissallugu.
NemKonto-qarnissaq inatsisitigut piumasaqaataavoq. NemKonto systemiuvoq, illit inuup normunnut atassuserneqarsimasoq, tamatumalu kingunerisaanik pisortanit aningaasat tigusassatit pisortaniilluunniit ikiorsiissutit tunniunneqarsinnaassallutik, innuttaasutut suliffeqarfittulluunniit akuliutitinneqanngikkaluarlutit. NemKonto pillugu annertunerusumik uani atuarsinnaavutit:
- Atuutilersitsineq netbankikkut imaluunniit www.nemkonto.dk-kkut pisinnaavoq.
- Uani paasisaqarnerusinnaavutit: Sullissivik – NemKonto
- Inatsit takuuk: Lovgivning – NemKonto