Sanaartorfissaq nutaaq Kommuunimut pilersaarusiamut tapiliussamut 37B2 Kulusummi matumuuna tamanut qinnuteqarfissanngorlugu nalunaarutigineqarpoq.
Sumiiffik allaffissornermi, entreprenøritut ingerlatsinermi, inaalitsiveqarnermi, assassorluni suliaqarnermi, sannaveqarnermi, tunisassiornermi, inaalitsinerni assartuussinernilu kiisalu suliffissuaqarnermi namminersorluni inuussutissarsiuteqarnermi allaffittut atugassiissutigineqarnissaa aalajangerneqarpoq.
Nunaminertap ilaa illutalimmik inuussutissarsiuteqarfiuvoq. Nunaminertaq 2,3 ha-it missaannik annertutigaaq.
Sumiiffimmi sukumiisumik nalilersuineq tunngavigalugu inissianik nutaanik ataasiakkaanik sanaartortoqarsinnaavoq.
Nunaminertamik akuersissummik atugassinneqartussat kommuunip malittarisassai naapissavai tassalu nunaminertamik makitsinikkut, nunaminertamik immininniinermi aammalu atugassiinermi sanaartorfissamut atugassiinerit.
Qinnuteqartussat makkua maluginiassavaat:
Kinaluunniit inuk; inuk ataaseq, suliffeqarfik, immaqaluunniit peqatigiiffik nunaminertamik atuinissamut ataatsimik qinnuteqaateqarsinnaavoq.
Qinnuteqaammut ilanngunneqassapput:
- Sanaartornissamut piffissamik pilersaarusiaq.
- Sanaartukkap allaaserineqarnera.
- Qinnuteqartup suliassamik naammassinninnissamut akissaqarneranut takussutissaq.
- Qinnuteqartup takussutissiamik tunniussissaaq suliassaq angingaasatigut pilersoneqarsinnaanissaa uppernarsarlugu. Takussutissiaq bank-ip nalunaarutaa qinnuteqartup angingaasatigut suliaq ingerlanneqarnissaanut pisinnaassuseqarnera uppernarsarlugu.
Qinnuteqartut, paasissutissanik taakkartukkanik imallit kisimi naatsorsuutigineqarumaarput. Qinnuteqartup akisussaaffigivaa qinnuteqaammi paasissutissat eqqortut saqqummiutissallugit.
Qinnuteqaatit ulloq 26. maj 2023 tikillugu sioqqulluguluunniit tiguneqartut qinnuteqartutut naatsorsuutigineqassapput. Qinnuteqartut arlaliussappata makitsinikkut sanaartorfissaq tunniunneqarumaarpoq.
Kommuneqarfik Sermersuup nunaminertamik akuersissutinut malittarisassai matumani takuneqarsinnaapput: https://kp.sermersooq.gl/nunaminertamik-atugassiineq/
Paasisaqarnerurusukkiut Sanarfinermut Avatangiisinullu Ingerlatsivik attavigiuk, oqarasuaat 367440.
Nunaminertamik inniminniinissamut qinnuteqaat nassiunneqassaaq Kommuneqarfik Sermersooq, Sanarfinermut Avatangiisinullu Ingerlatsivik, e-mail sai@sermersooq.gl ilisarnaaserlugu: sanaartorfissaq KPT 37B2 Kulusummi.
Ilanngunneqarpoq nunap assinga sanaartorfissalik.