Suliassamut illoqarfimmut innuttaasunullu naleqalersitsisinnaasumut isumassarsilluarsimaguit, isumassarsiat nassiukkukku piviusunngortinnissaa periarfissaqarpoq.
Ukiut tamaasa Najukkami ataatsimiititaliaq suliassanut arlalinnut aningaasatigut ikiorsiisarpoq. Siusinnerusukkut ataatsimiititaliaq suliassanut assigiinngitsunut, ilaatigut NSP-mi sipisap qaammaqqusersorneranut aamma illoqarfimmi silami issiavippaaluit avittanik pinnersaasersornerinut tapiissuteqartarsimavoq. Takorluukkat angigaangata suliassat suulluunniit mikivallaarneq ajorput.
Innuttaasut akuutinnissaasa qulakkeerneqarnissaa nukittorsarneqarnissaalu takorluugaraarput, taamaalilluta tamatta illoqarfimmi nuannersumik sunniuteqarnissamut periarfissaqassagatta. Suliassamut Nuummut nuannersunngortitsisussamut naleqalersitsisussamullu isumassdaqaruit/-russi link una aqqutigalugu nassiussisinnaavutit/-si).
(Isumassarsiamik nassiussinissamut 1. marsi 2023 killigitinneqarpoq).