”MUKU-p ilisaritinnera
Akuleriinnik meeqqerivik “Muku ” ukioq 1990 1. november atuutilerpoq.
Sulisut sungiusimasaat nukissaallu aallaavigalugit, ataatsimut angajoqqaat qanimut suleqatigalugit kivitseqatigiilluta Kommuneqarfik Sermersooq kiisalu politikkikkut anguniakkat, oqaluuseriuassavagut, ulluinnarsiutigilernissaannut, allaganngortittarnissaannullu sungiusarluta.
Meeqqap peqqissumik pisariaqartitai, kissaatai, pisinnaatitaaffii, inuttullu silassorissutsimigut, inooqataasinnaanermigullu, timimi pisinnaasai aallaavigalugit ineriartornermut tullermut inerikkiartuutaasumik ikorfartuineq, angajoqqaat peqatigilluinnarlugit perorsaanermut anguniakkatigut suleqatigiissutiginissaat siunnerfiupput.
Akuleriinnik meeqqerivik Muku meeqqanut 64 inissaqartitsinissamut naatsorsuutaanera malillugu , ininut sisamanut agguataaqqapput.
Meeraaqqerivittaani
Qorsukkut: 0 – 3 ukioqalertussat tikilligit meeqqat 12 amerlassuseqarput
Tungujortukkut: 0 –3 ukioqalertussat tikillugit meeqqat 12 amerlassuseqarput
Meeqqerivittaani
Aappalaartukkut: 3 – 6 ukiullit meeqqat 20 amerlassuseqarput
Sungaartukkut: 3 – 6 ukiullit meeqqat 20 amerlassuseqarput
Akuleriinnik meeqqerivik Muku 15 amerlassusilinnik sulisoqarnissamut naatsorsuussaavoq
Aqutsisoq, tullersorti, immikkoortortami aqutsisoq, perorsaasut 2, Isumaginninnermi 4, ikiortit 4, Nerisassiortoq, eqqiaasorlu
Init tamarmik immikkut pingasunik sulisoqarput , perorsaasoq, isumaginninnermut ikiorti , ikiorti.
Muku-p ilisarnaatai
- Meeqqat toqqissisimallutik ”Muku”-miissapput
- Meeqqat sulisullu naligiimmik pissusilersorfigeqatigiissaagut
Muku-p pingaartitai
- Ataqqeqatigiinneq.
- Kinaassuseq.
- Silamiinnerunissaq.
- Nerisat peqqinnartut.
Muku-p takorluugaa
- Meeraq nammineersinnaasoq
- Meeraq pigisaminik nammineq akisussaaffeqarsinnaasoq
- Meeraq oqaasinnguisinnaasoq
Anguniakkat
-Silaannarissumi meeqqat pinnguartassapput.
-Assigiinngissuseq (akuersaarneq inuk qanorluunniit atugaqarpat allaanerussutaa akuersaarneqarluni.
-Suiaassutsikkut ineriartorneq, meeqqap suiaassutsimigut peqqinnartumik killiffia sulisutut ilisimassallugu.
-Erinarsorneq. Erinarsorneq aqqutigalugu oqaatsitigut timiminnilu atuisinnaanerannik inerisaaneq.
-”Muku”-mi init akimorlugit sammisaqarneq ataatsimoorussineq.
Meeqqerivimmi perorsaariaaseq
Inatsisitigut piumasaqaatit Kommuneqarfik Sermersuumilu ataatsimoorussamik anguniakkat aallaavigalugit perorsaariutsit ataani taaneqartut qanoq atorneqassappat. Timi aalatittarnissaa pingaartinneqarpoq.
Kommuneqarfik Sermersooq ataatsimoorussamik perorsaariaaseq atugarivaa Akuerisaartumik perorsaariuseqarneq:
Perorsaaneq timersornertalik:
Tilknytningspædagogik
Tunngaviit arfineq marluk:
Meeqqat pisinnaatitaaffii:
Kammagiitta:
Timi tarnikkullu peqqissumik inuuneqarneq:
Kalaallisut Nunaanni timersoqatigiiffiit peqatigiiffiat suleqatigalugu timip aalatinneqarnissaa pillugu pinnguaatit:
MANU
”MUKU”-mi pingaartipparput meeraq ikaarsaarnermini Meeraaqqerivimmiit Meeqqerivimmut kiisalu Meeqqerivimmiit Atuarfimmut piginnaasatigut anguniagassanik kaammattorluarneqarnissaa.
