Ineqarnermut immikkoortortami suliassaqarfiup ingerlanneqarsimaneranik misissuineq Aningaasaqarnermut Inuussutissarsiornermullu Ataasimiititaliamut sapaatip akunnerata siuliani saqqummiunneqartoq tusagassiutitigut sammineqangaatsiarpoq.
Ineqarnermut tunngatillugu suliassaqarfiup ingerlanneqarsimaneranik misissuinerit qangarnilereerput, taamaammallu isornartorsiutigineqartut kommunimiit suussuserneqareerput iluarsineqarlutillu, isornartorsiutigineqartullu allat aamma iluarsineqaleruttorlutik.
Pisimasut misissuinermi taakkartorneqartut kommunimi sulisuusimasut pisortaanerisa nalaani pipput. Kommunaldirektøri Ole Jakobsenip maannakkut kommunimi atorfillit tatigilluinnarlugit naqissuserpaa.
”Ineqarneq pillugu suliami akuusimasut maanna kommunimi sulinngillat. Innuttaasunit tatigineqarnerput pilerseqqinnissaanut annertuumik suliassaqartugut qularnanngilaq. Qujanartumilli sulisut pikkorissut kommunimi sulipput, taakku ullut tamaasa suliartortarput innuttaasunut sullissilluarusullutik”, Ole Jakobsen oqarpoq.