Kommunalbestyrelse aalajangerpoq pilersaarutitut siunnersuut ”Orsiiviup Nuunngua” sapaatit-akunnerini arfineq-pingasuni tamanut tusarniutigineqassasoq piffissami 09. marsii – 4. maajip 2022.
Siunertaq
Inatsisartut inatsisaat nr. 34, 9. december 2015 naapertorlugu pilersaarutitut qinnuteqaat ” Orsiiviup Nuunngua” Sanarfinermut Avatangiisinullu Ingerlatsivimmi tiguneqarpoq.
Sanarfinermut Avatangiisinullu Ingerlatsiviup matumuuna pilersaarusiamik piginnittoq ”A/S PSE 14 nr. 1197” sinnerlugu pilersaarummut qinnuteqaat ”Orsiiviup Nuunngua” saqqummiuppaa.
”Orsiiviup nuunngua”inissisimaffia immikkoortup ilaa 1C14 Nuutoqaq, Nuuk. Illu 1680 m2 missaannik angissuseqarpoq, unnuisarfiutigaluni&ullaakkorsiortarfik, saqqummersitsivik neriniartarfillu tassaniissallutik.
MALUGINIAGASSAQ: Pilersaarummik piginnittup kingornatigut nalunaarutigaa aamma qaliata ataa ilanngutissallugu eqqarsaatigigitsik, 500 kvm missaanik angissuseqartoq, taannalu immaqa allaffittut ineeraqarfittullu atorneqarsinnaassasoq. Taamaattumik ineeqqat 17-it missaanniit 17-27-illu akornanni amerlassuseqartussatut allanngortinneqarput. Ingerlatsiviup tamanna naliliinermik allanngortitsinissaa ilimaginngilaa, illup angissusia sinneratalu pilersaarusiornera allannguuteqartussaanngimmata.
Oqaaseqaatit, akerliliissutit pilersaarusiassalluunniit allaanerusut
Oqaaseqaatit, akerliliissutit pilersaarusiassallu 4. maaji 2022 nallertinnagu uunga nassiutissapput, plan@sermersooq.gl. Pilersaarutissaqarpat sukumiisumik titartarneqarlutillu allaaserineqarsimasussaapput, taakkulu saniatigut kommunip pilersaaruteqarnissamut qinnuteqaatinut allattuiviani piumasaqaatinut naammassinnittuussallutik.
Tamanut oqallisissiaq
Pilersaarutitut siunnersuut piffissami 09. marsii – 4. maajip 2022-ip tungaanut tamanut tusarniutigineqassaaq.
Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi ulloq 4. maaji 2022 nallertinnagu tiguneqareersimassaput nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl.
Pilersaarutissaqarpat sukumiisumik titartarneqarlutillu allaaserineqarsimasussaapput, taakkulu saniatigut kommunip pilersaaruteqarnissamut qinnuteqaatinut allattuiviani piumasaqaatinut naammassinnittuussallutik.
Illuliornissamut pilersaarut uani atuarneqarsinnaavoq
Illuliornissamut qinnuteqaat kommunip nittartagaani Kommunimut pilersaarummut tapiliussamut siunnersuut kommunip nittartagaani, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.