Kulturitta siuarsarneqarnissaa pillugu Siunnersuisooqatigiit Aningaasaateqarfik Sermeq aqqutigalugu aningaasanik agguaavoq. Aningaasaateqarfiup kulturimut tunngasut uummarissassavai kommunilu ataatsimoortillugu. Aningaasaateqarfik Sermeqarallartillugu, kommunimi inuusuttut arlallit Nuuk Snow Festivalimut peqataanissaminnut periarfissinneqassapput. Aningaasaateqarfiup aamma Tunumiit Nuummut kulturikkut paarlaasseqatigiittoqartarnera tapersersorpaa. Suliassat taakkuinnaapput suliassarpassuit akornanni, Aningaasaateqarfik Sermeq aqqutigalugu piviusunngortinneqartussat.
Aningaasaateqarfik Sermeq ukiumi aappassaanik agguaassigami 15-inut agguaassivoq, katillugit millionit sinnilaarlugit nalilinnik, tamannalu aningaasaliineruvoq, borgmesterip Charlotte Ludvigsenip nuannaarutigeqisaanik.
Kulturimik attassinikkut, ingerlatitseqqiinikkut nutarsaanikkullu eqqumiitsuliat kulturilu taakkuupput qangaaniit siunissamut pilersitsisartut. Kulturi taannaavoq taannaajuarsimavorlu inuiaqatigiitta ineriartorneranni aalajangiisuulluinnartartoq. Inuiaqatigiinni ilisimasanik, pilersitsinermik tarrarsorfissamillu pilersitsinissaq eqqumiitsuliornermi kulturimilu siunertaapput. Ataqatigiilersitsisarput ataatsimullu kinaassuseqalersitsisarlutik. Immikkuullarissumillu naleqarlutik. Kulturimut tunngasunik suliallit, kulturip allallu inuiaqatigiit ilaasa akornanni attaveqarluarnissarput pisariaqartipparput, taamaattumillu pingaartuuvoq, Aningaasaateqarfik Sermeq taakkuninnga ikorfartuissappat, tamannalumi aamma kulturi pillugu politikkitsinni pingaaruteqarpoq. Kommunitsinni pilersitsillaqqissortavut sunik pilersitsissanersut takussallugu qilanaaraara”, borgmesteri Charlotte Ludvigsen oqarpoq.
Kulturip ataatsimoortittarpaatigut
Nunarsuarmi kommunit anginersaanni soorunami unammilligassaqarpoq, innuttaasut imminnut ungasinnerujussuisa kingunerisaanik.
Suliniutillit ilaasa tamanna suliniutissaminni naapeqatigiissitsinissamik pilersitsisussaq qaangerniarsarivaat. Kulturimik atuisut tamarmik, amerlanerillu peqataalersikkusuppavut – pingaartumik meeqqat inuusuttullu ukiukitsuunerminniit eqqumiitsuliornikkut kulturikkullu perorsarsimasuunermik peqarnissaq pisinnaatitaaffigivaat, taamaattumik assersuutaavoq “Kommune tamakkerlugu inuusuttut Nuuk Snow Festival”-imut peqataajartoqquneqarnissaat. Paamiuniit Tasiilamiillu hold inuusuttunik sisamanik inersimasumillu ataatsimik peqataatitaqartoq masrip qaammataani Nuuk Snow Festival ingerlanneqalerpat peqataajartorsinnaapput.
Tamatuma saniatigut ”Kultoorikkut tammatsaaliuinermik ingerlatsineq” taperneqarpoq. Tassa tunumiut kultuuriinik nuummiittut aliikkusersornissaat uani siunertarineqarpoq. Illorput matumani atorneqassaaq, atuarfiit peqqinnissaqarfillu. Qilaatersortoqassaaq aammalu erinarsoqatigiit Kangiata Akisuanera aamma Kulusuk Banden tusarnaartitsissapput.
Maannakkut qinnuteqaateqartut 15-it assigiinngitsut namminneq suliniutiminnut, assigiinngitsorujussuarnut, taperneqarput.
