Nuummi ulluunerani paaqqinnittarfik kattussiviusumi Timmiaaqqat-ni meeqqap ataatsip atorfillillu ataatsip ataasinngormat Covid-19-imik tunillatsissimasut paasineqareersoq paaqqinnittarfik matoqqaannassaaq.
Suli tuniluunneq siaruarsimanersoq oqaatigineqarsinnaanngimmat matoqqaannarnissaanut tunngavigineqarpoq. Ullumi Nuummi misissugassanik tigooqqaavigineqartut amerlammata, aatsaat inernerisa unnugu kingusissukkut piareernissaat naatsorsuutigineqarpoq.
Paaqqinnittarfik isumannaatsumik ammaqqinneqarsinnaasoq Corona pillugu Allattoqarfik naliliippat, paaqqinnittarfiup nammineerluni angajoqqaat attaveqarfigissavai.