Tasiilami Isumaginninnermut Suliffeqarnermullu Ingerlatsivik sisamanngormat innuttaasunut unnussiuaartitsipput, imminut paarilluarneq sammisaralugu
Tasiilami Imminut toquttarneq pinaveersaartinniarlugu unnussiuaarneq soqutigineqarluarpoq, soqutigineqangaarmat matut ammaannangajattullu issiavigineqarsinnaasut 60-it ulikkaapallammata, aaqqissuisoq Elise Uupi Kuitse matut parnaartariaqarsimavai coronap ajornartoortitsinerata maleruagassai unioqqutinnginnissai anguniarlugu.
Qanoq imminut paarinnittoqarsinnaanera eqqartorneqarpoq, peqataasut tulleriiaarlutik ajornartorsiutiginikuusatik qanorlu nukittunerilersimallutik ajornartorsiutiminniik ingerlariaqqissimanertik oqaluttuarai.
Peqqinneq, sunngiffik kulturimilu sulisoq Arkalo Skifte, killiliineq, pinngortsitamiinneq, timersornerlu oqaluuserai.
Elise Uupi Kuitse, ikiuigasuarnissamut piareeqqasutut sulisoq, misigissutsit sakkortuut qanngerniarlugit oqaasilersorsinnaanerisa pingaarutai oqaluuserai.
Unnussiuaarneq naggaserniarlugu nipilersoqatigiiniik inuusuttuniik aliikusersornertaqarpoq, kingornalu Tasiilaq Teater namminneq isiginnaagassialiartik, sakkortuumik inuusimaneq qaanngerniarnerani imalik, saqqummiuppaat.
