Ullumikkut Ittoqqortoormiini piniartut amminik tuninisinnaanngoqqipput, tamanna pivoq Kommuneqarfik Sermersooq Great Greenlandilu amminik tunitsivimmik aammaaqqinnissamut isumaqatigiissuteqarnerisigut. Tamannalu borgmesterimik Ittoqqortoormiinilu piniartunik nuannaarutigineqarpoq.
”Nalunngilarput Ittoqqortoormiini piniartut aningaasanik isertitaqartalernerusinnaasut ameerniarnerminni, ingammik qilalugarniarneq matuneqaraangat. Taamaammat nuannaarutigaarput Great Greenland suleqatigilersimagatsigu, taamaasillutik piniartut aningaasanik isertitaqaqqissinnaanngorput”, borgmesteri Charlotte Ludvigsen oqarpoq.
Kommuneqarfik Sermersooq illumik tunitsivittut atorneqarsinnaasumik atugassiivoq.
Ittoqqortoormiini piniartut siornatigut puisip amippassuanik tunisaqareernikuusimapput, tunisisaleqqinnissaminnullu qilanaalereerput.
”Nuannaaqaagut amminik tunisaqaqqilersinnaagatta, ukiummi marlungajaat ingerlareerpoq matumalli og amippassuarnillu eqqaasariaarussaagut”, piniartoq Åge Hammeken Danielsen oqarpoq.
”Puiserpassuaqarpoq, utaqqiinnarpugut aallartsinnissatsinnut. Assut nuannerpoq piviusunngoqqimmat. Eqqaamavara 2015-16-imi pinartut pingasuulluta ukiumut 800-rujunik amernik tunisaqarsimalluta”, Åge oqarpoq.