Ataqqinartorsuaq Dronningi 80-inik ukioqalerluni inuuissiussaaq, tamannalu soorunami malunnartinneqassaaq. Kommuneqarfik Sermersuup Facebookikkut qupperneratigut nal. 11.45-imiit toqqaannartumik borgmesteri Charlotte Ludvigsen tikilluaqqusisoq malinnaaffigiuk.
Ataqqinartorsuup Dronningip 80-iliilluni inuuissiornerani Kommuneqarfik Sermersuup pilluaqqusinerani siullerpaaniillutit malinnaagit. Ajoraluartumik ukioq manna nalliussinermi katersuussinnaatitaanngilagut. Taamaattumik sisamanngorneq apriilip 16-ianni nal. 11.45 tamatta dronningitta inuuiata nalliussinera taamaallaat kommunip Facebookikkut nittartagaatigut malinnaaffigisinnaavat. Toqqaannartumik nassiussinerummat, pisussatut pilersaarutit ataani allassimasut nikerarsinnaapput.
Nal. 11:45 Borgmesteri Charlotte Ludvigsen Kommuneqarfiup Allaffianiit tikilluaqqusissaaq
Nal. 12:00 Nuup Saavani Issittumi Sakkutooqarfik qamutilittassaaq
Nal. 12:10 Borgmesteri Charlotte Ludvigsen oqalugiassaaq
Nal. 12:20 Ataqqinartorsuaq Dronningi inuuissiornerani erinarsorfigineqassaaq. Inuuissiornermi erinarsuutinut erinarsoqataagit uku peqatigalugit Kuunu Berthelsen, Glenn Møller aammalu Nuummi Mælkebøttencenteri.
Nal. 12:35 Aaqqissuussineq naammassissaaq
Inunnut allanut mianerinninnissaq qanippallaannginnissarlu erseqqissassallugu pingaaruteqarpoq. Taamaattumik pisussamut toqqissilluni angerlarsimaffimmit malinnaasoqarnissaa kaammattuutigineqarpoq.