Kommuneqarfik Sermersuup umiatsiaasiviini umiatsiat tamarmik nalunaarsorneqarsimassapput
Kangerlukasimmi Avannarlermi aamma innaallagissiorfiup eqqaani, Kommuneqarfik Sermersuup puttasuutaanik atuinissamut, ukiup ingerlanerani kommune nutaanik maleruagassiornikuuvoq. Kommunip piumasaraa piginnittup aqqa mobiltelefonikkullu normua umiatsiami allaqqassasoq.
Umiatsiat nalunaarsorneqanngitsut erngertumik peerneqassapput piginnittumut akiligassiissutigineqartumik
Puttasut ukiakkut nunamut qaqinneqarneri kommunimit annertuumik aningaasartuutaasarput. Puttasut qaqinneqalernerini umiatsiat kimit pigineqarnerinik ersarissumik allassimanngikkaangata tamanna puttasut nunamut qaqinneqarnissaannik kinguarsaataasarpoq. Tamakku pillugit maleruagassat nutaat ukioq manna atulersinneqarput. Maleruagassat Nuummi taamaallaat atuupput.
Apeqqutissaqaruit uunga sianissaatit
Oqar. 36 74 00, sai@sermersooq.gl