Nuummi Fiskerbymi qimmit qimuttut piaraat marluk naammattoorneqarsimapput. Qimmillu qimuttut qimminut allanut nappaatinik tunillaasinnaammata, Kommuneqarfik Sermersuup innuttaasut kaammattorpai, qimmiaqqat pineqartut pillugit paasissutissanik peqarunik Sanarfinermut Avatangiisinullu Ingerlatsivimmut saaffiginneqqullugit, qimmit piaartumik piginnittunit arsaarinnissutigineqarniassammata.
”Nuummi innuttaasut, qimmit pineqartut pillugit paasissutissanik peqarsinnaasut tamaasa qinnuigerusuppakka ingerlatsivitsinnut saaffiginneqqullugit. Qimmimmi qimuttut qimmillu allat akulerussornerini nappaatinik tunillaassuisoqarnissaanik annertuumik navianartoqarpoq,” Frank Rasmussen, Kommuneqarfik Sermersuumi ingerlatsinermut avatangiisinullu pisortaq oqarpoq.
Qimmit pillugit paasissutissanik peqaruit Sanarfinermut Avatangiisinullu Ingerlatsivimmi Agnes Olsen attavigisinnaavat, oqarasuaat 36 74 56 imaluunniit e-mail agno@sermersooq.gl.