Atuarfimmi Ukaliusami Nuup qeqqaniittumi, sapaatip akunnerata ingerlanerani inini atuarfiusuni silaannaluttoq paasineqarsimavoq. Taamaammat init atuarfiusut sisamat atoqqusaajunnaarsimapput.
Tamatumunnga ilutigitillugu atuarfimmi illup iluani silaannaq sukumiisumik misissorneqassasoq Kommuneqarfik Sermersuup aalajangersimavaa, sapaatip akunnerata naanerani uani ingerlanneqartussanngorlugu. Misissuinerup inerneri sapaatip akunnerata tulliata qeqqata missaani naatsorsuutigineqarput.
”Atuartut ilinniarsinnaassusaannut inuummarinnissaannullu illup iluata silaannaa qanoq pingaaruteqartigisoq nalunngilarput. Taamaammat ajornartorsiut una tuaviortumik qisuariarfigisimavarput. Misissuinerup inernerni tingoriarutsigit aalajangissuarput, ajornartorsiut pitsaanerpaamik qanoq aaqqiivigissanerlugu,” Meeqqanut Atuarfeqarnermullu Ingerlatsivimmi pisortaq, Helene Broberg Berthelsen oqarpoq.