Nuummi innuttaasut 18.000-ngornerat nalliuttorsiutigaarput
Kalaallit Nunaanni illoqarfiit pingaarnersaat alliartorpoq, sukkasuumillu alliartorpoq. Ukiut pingasuinnaat ingerlaneranni innuttaasut 6 procentimik amerlipput.
Innuttaasut amerliartornerat malunnartinniarlugu tallimanngornermi decembarip 14-ni nalunaaqutaq 15.30 kommunip allaffiani nalliuttorsiutigissavarput. Borgmester Asii Chemnitz Narup tikilluaqqusissaaq, aliikkusersuisoqassaaq tamulugassaqassallunilu. Unammisitsinitsinni ajugaasut aamma saqqummiunneqassapput.
Tamanut ammavoq.