Marlunngornermi Kommuneqarfik Sermersuumi borgmesteri Charlotte Ludvigsen nunaqarfimmut tikeraarpoq atorfilittat peqatigalugit.
Nunaqarfimmi aqutsisut tikilluaqqusipput borgmesterilu nunaqarfimmi takornariartinneqarpoq, nunaqarfimmi aqutsisut ataatsimeeqatigineqarput innuttaasunullu paasissutissiisoqarluni. Innuttaasut aamma Charlotte Ludvigsenip ilassinissaanut periarfissineqarput apeqquteqarusukkunillu aamma apeqqutilliinissaminnut periarfissinneqarlutik.
Sermiligaaq kangerlummut kusanartumik sermeqarfimmut tunngasuuvoq kangerluullu qinnguani sermeqarfiit marluk pineqarlutik “Knud Rasmussen Gletscheren” aamma “Kârale Gletscheren”.
Amerikamiut sakkutooqarfigisimasaat Ikkatteq aamma aqqusaarneqarpoq. Kommuneqarfik Sermersooq saliinissami tamanut suliariumannittussarsiornikuuvoq, avatangiiserlu misissorneqartussaavoq sakkutooqarfikuni qanoq mingutsitsisoqarsimatiginersoq paasiniarneqassammat. Suli iluamik aalajangiunneqanngilaq Ikkattip ilaa kulturikkut oqaluttuarisaanermut pingaaruteqarnera pissutigalugu allanngutsaaliorneqassanersoq.