Atuarfik Inussuup maanna atulernissaa piareerpoq. Sulisut aggustip ulluisa pingajuanni iserterput ukiullu atuarfiusup nutaap aallartinnissaanut piareersalereerlutik, atuartut 2026-mi aggustip ulluisa 17-ianni atuarfittaami atualeqqaassapput.
Aallartinnerup ilaattut 2. klassimi 3. klassimilu atuartunut init nutaat aggustip ulluisa qulinganni AKO-mit atulerneqassapput. Atualerlaanngortussat aggersagaanerminnut allagarsiaanni allaqqasoq naapertorlugu, aggustip ulluisa 13-ianni AKO-mi aallartissapput.
Ulloq atualeqqaarfiusumi aggustip 17-ani isumannaallisaaneq pissutigalugu atuartut 2. Klassimiit 10. Klassimut kisimik atuarfimmut isersinnaatitaapput. Atuartut 1. Klassit angajoqqaaminnit, angajoqqaatullu oqartussaassusilinnit qanigisaminniillu malitseqarlutik isersinnaapput. Pisortatigoortumik ammaanersiornermi angajoqqaat aamma angajoqqaatut oqartussaassuseqartut isernissaminnut qaaqquneqarumaarput.
Sanaartukkat kingulliit qaammatini kingullerni inaarneqarput. Pequtit eqqussuunneqareerput, piareersaanermi suliassat kingulliit isumagineqareerput aamma atuarfiup eqqaani bussit unittarfiannik nutaamik pilersitsisoqarpoq. Tamatuma saniatigut angallannermut pilersaarut ilaatigut bussit unittarfiinut aqqutissanullu allanut tunngasut pillugit paasissutissartalik tamanut saqqummiunneqarumaarpoq.
Atuarfik Inussuk 2026-mi oktobarip ulluisa aallaqqaataanni pisortatigoortumik atoqqaarfissiorneqassaaq.
Atuarfiup pilersaarusiorneranut malunnartinneqarneranullu atuartut peqataaniassammata taamatut ulluliisoqarpoq.
Atuartut, angajoqqaat sulisullu Atuarfik Inussummut tikilluaqqunissaannut Kommuneqarfik Sermersuumiit qilanaaraarput.