Tasiilami containerinik najugaqarfissiat 40-t piffissami killilimmi inissiinissamik siunnersuut Sanarfinermut Avatangiisinullu Ingerlatsivimmit tamanut tusarniaassutigineqarnissaanut ingerlateqqinneqarpoq.
Containerinik najugaqarfissiat angerlarsimaffeqanngitsut pillugit suliniummut atorneqassapput aamma najugaqarnissamut sungiusarnissami angerlarsimaffigigallagassatut kiisalu angerlarsimaffeqanngitsunut unnuisarfiliornermut atorneqassallutik.
Containerinik najugaqarfissiat B-1000-ip aamma B-155-ip eqqaanni inissinneqassasut siunnersuutigineqarpoq. Inissisimaffissani marluusuni taakkunani kommune isaterneqariaannanngorsimasunik oqussimasunillu illuuteqarpoq. Tamanna pillugu containerinillu najugaqarfiliat inissinneqarsinnaaniassammata illut pioreersut isaterneqassapput.
Sumiiffinni imermut kuuffinnullu atassuserfissaqareermata inissiivissatut siunnersuutigineqarput. Nutaanillu pilersitsinermi suliassanut tamanna annikillisaataassaaq.
Containerinik najugaqarfiliat silataasigut qallersorneqassapput, taamaalillutik eqqaanni inissianut sapinngisamik naleqqussarneqarlutik.
Pilersaarusiortarneq nunaminertamillu atuineq pillugit Inatsisartut inatsisaat nr. 4, 25. januaari 2024 meersoq aamma Kommunimut pilersaarut 2036 pillugit Namminersorlutik Oqartussat inatsimmik nalunaarutaat qinnuteqarnermi pilersaarummut tunngaviuvoq.
Sumiiffiit illoqarfiup ilaa 30C2 – Attertumut aamma Eertasimappimmut eqqaani Qitiusoqarfimmut ilaatinneqarput.
Qinnuteqaat pillugu oqaaseqaatissaqaruit akerliliissutissaqaruilluunniit Sanarfinermut Avatangiisinullu Ingerlatsivimmut nassiussinnaavatit, kingusinnerpaamik ulloq 23. augusti 2026.
Tusarniaanermut akissutit suliap normuanik nalunaaqutseqquneqarput BOG-2020-11112.
Oqaaseqaatit uunga nassiunneqassapput:
Kommuneqarfik Sermersooq
Sanarfinermut Avatangiisinullu Ingerlatsivik
Sanaartornermut Immikkoortortaqarfik
Postboks 1005, 3900 Nuuk
sai@sermersooq.org