Kommuneqarfik Sermersooq piffissami matumani attaveqaatitigut ajornartorsiorpoq. Taamaattumik kajumissutsimik isumaginninnikkut suliaqarnermut tapiissutitut qinnuteqaatit pissarsiarineqarsinnaanngillat.
Kattuffiit, peqatigiiffiit inuilluunniit ataasiakkaat aningaasaliiffigineqarnissamut qinnuteqaamminnik nassiussisut taamaalillutik qinnuteqaatitik nassiuteqqissavaat. Nuummi Kommuneqarfiup Allaffiani Innuttaasunik Kiffartuussivimmut aamma kommunip sumiiffiini allani Innuttaasunik Kiffartuussivinnut ornigulluni tunniunneqassapput.
Peqatigiiffiit qinnuteqaatinik suli tunniussisimanngitsut qinnuteqarusuttulli kaammattorneqassapput Innuttaasunik Kiffartuussivimmut ornigullutik tunniussiartussasut.
Qinnuteqaammik tunniussinissamut piffissaliussaq 1. juulimut kinguartinneqarpoq. Aaqqissuussanut tapiiffigineqarnissamut qinnuteqaatit juunip ulluisa aallaqqaataaniit juulip ulluisa aallaqqaataata akornanni pisut matumani ilaatinneqassapputtaaq.
Isumaginninnikkut aningaasaliissutit kattuffinnut, peqatigiiffinnut inunnulluunniit ataasiakkaanut Kommuneqarfik Sermersuumi atugarliortut pillugit isumaginninnikkut kajumissutsimik suliaqartunut ukiumut marloriarlutik agguataarutigineqartarput.
Immersuiffissaq uaniippoq:
Nammineq kajumissuseq atorlugu sulinermut tapiissutit – Kommuneqarfik Sermersooq