Ullumikkut amerlanerujartuinnartut kommunip atorfinnik inuttassarsiuunneqartunik nittarsaassivia aqqutigalugu Kommuneqarfik Sermersuumi suliffissarsisarput. Tamanna pillugu kommunimit atorfiit inuttaqanngitsut inuttassarsiuunneqartarnerat ataatsimoortunngortinneqassaaq: uani sermersooq.gl.
Ineriartortitsinerup kingunerisaanik aviisit atorfinnilluunniit inuttassarsiukkanik nittarsaassivit kommunimiit maannamiit atorunnaarneqassapput. Taarsiulluguli kommunimi atorfinnik inuttassarsiuunneqartussat atorfinnik nittarsaassivik nittartakkamiittoq pingaarnertut atorneqartalissaaq.
Daniel Kâjangmat Lyberth, HR aamma sulisunut sullissinermut pisortaq, itisiliivoq: ”Takusinnaasavut naapertorlugit qinnuteqaatit amerlanerujussuit nammineq nittarsaassivipput aqqutigalugu tiguneqartartut. Taamaattumik innuttaasut ujartuiffiginerusartagaannut inissillugit ataatsimoortunngortinnissaat isumaqarnerpaajussaaq. Atorfiit aalajangersimasut soorlu pisortatut atorfiit qaffasissumillu inissisimasut atorfiit allat siammasissumik saqqummiunneqaannartarlutik.”
Kommunimi tassunga peqatigitillugu immikkoortunut piffissap ilaani sulisussaaleqiffiusunut orniginarsaalluni sulisunut kaammattuutigineqallattaarpoq. Ilaatigut pineqarlutik utoqqarnut tunngasunik suliaqarfiit, angerlarsimaffimmi ikiorteqarfik meeqqeriviillu, aalajangersimasumik sulisussarsiortut, vikarissarsiortut aasaaneraniluunniit taartaasussarsiortut.
Kommunimiit aamma pensionersimasunut kaammattuutigineqarpoq, pensionisiaqarnerup saniatigut sulisinnaanissamik periarfissaqarunik soqutiginninnersut. Ullup affaani sulinissamut periarfissarpassuaqarpoq, inuunermi misilittakkat allanut iluaqutaasinnaanngorlugit periarfissiilluarfiusoq.
Kommunimi atorfiit inuttaqanngitsut tamaasa takorusukkukkit annertunerusumillu paasisaqarfigerusuppigit, uunga iserit: