Meeqqanut Atuarfeqarnermullu Ingerlatsivimmit Meeqqat
tapersersorneqarnissaannut Inatsisartut inatsisaat pillugu Inatsisartut
inatsisaata allanngortinneqarnissaanut siunnersuut pillugu tusarniaanermut
akissuteqarsinnaanini pillugu qujassutigineqarpoq.
Inatsisissatut siunnersuut kiisalu oqaaseqaatit attuumassuteqartut
misissorneqarput tamannalu tunngavigalugu ingerlatsivimmit
siunnersuummut annertunerusumik oqaaseqaatissaqartoqanngilaq.
Ingerlatsivimmit siunnersuut taperserneqarpoq, tassunga ilanngullugu
suliassaqarfimmi sulisunik atuinermi ataqatigiissaarinissaq
pitsanngorsaanissarlu siunertaralugit aaqqissuussami suliassanik
katersinissaq pillugu Naalakkersuisut anguniagaat.
Ingerlatsivimmit inatsisip atuutsilernissaanut aamma Meeqqanut,
Inuusuttunut, Ilaqutariinnut Nunamullu Namminermut
Naalakkersuisoqarfimmut ikorfartuinissamut sunniuteqarniarluni
suleriaqqinnissaq qilanaarineqarpoq.