Kuussuannguami Nuummi Qinngutsinni nunaminertamik akunnittarfiliornissamut atugassamik qinnuteqarnissamut periarfissaqalerpoq.
Matumuuna kommunip nalunaarutigaa sanaartorfissaqalersoq. Sanaartorfissaq minnerpaamik 3.000 etagemeterisut angitigisumik sanaartorfigineqassaaq.
Najukkami pilersaarut 4C8 – 1 Kuussuannguaq, Qinngorput eqqaani Akunnittarfik Februari 2026 pillugu sumiiffimmi suut atuuttuunersut sukumiisumik atuarlugu paasiniarluarnissaa pingaaruteqarpoq.
Kommunimut pilersaarummut tapiliussaq Sanarfinermut Avatangiisinullu Ingerlatsivik saaffigalugu pissarsiarineqarsinnaavoq, imaluunniit kommunimut pilersaarummi atuarneqarsinnaavoq: 4C8 (qallunaatut)
Najukkami pilersaarutip nassuiaataanit aamma aalajangersakkanit tigulaakkat:
Pilersaarummi aalajangersagaavoq immikkuualuttoq 4C8-1 qitiusoqarfiusoq. Akunnittarfimmut siunertamut tassunga attuumassuteqartumik sukisaarsarfittut atortorissaarutinik soorlu neriniartarfimmik, spa, ataatsimeersuartarfinnik assigisaannillu periarfissillugu sanaartorfissamik atugassiisoqarpoq. Sanaartorfik Qinngutta qeqqani aaqqissugaanikkut pioreersup ineriartorneranut pitsaasumik tapertaassaaq aammalu sumiiffiup sukisaarsarfittut atorneqarneranut matuma ataani Kuussuanngumut aamma pisuttuartarfimmut naleqqussarneqassalluni.
Sanaartorfik arlalinnik minnerusunik atasunik illutaqarsinnaavoq kisiannili immikkoortut katerisimassallutik ataasiullutik aammalu nunaminertamik atugassinneqartoq ataasiinnaassalluni.
Sanaartorfissaq sanaartorfigineqassaaq minnerpaamik 3.000 etagemeterisut angitigisumik.
Nunap avataaneersunik qinnuteqartoqarnersoq maluginiarneqassaaq
Pigisanik aalaakkaasunik piginnaatitaaffimmik pisisarneq imaluunniit atuisinnaatitaaneq pillugu Inatsisartut inatsisaat normu 78 malillugu akuersissuteqarneq.
Pigisanik aalaakkaasunik piginnaatitaaffimmik pisisarneq imaluunniit atuisinnaatitaaneq pillugu Inatsisartut inatsisaat normu 78 piumasaqaataanik naammassinninngitsut pigisanik aalaakkaasunik piginnaatitaaffimmik pisisarneq imaluunniit atuisinnaatitaaneq pillugu Inatsisartut inatsisaat §§ 3–8 naapertorlugu qinnuteqartut Naalakkersuisut siumoortumik allakkatigut akuersissuteqarnerini Kalaallit Nunaanni pigisanik aalaakkaasunik piginnaatitaaffinnik pisisinnaapput atuisinnaatitaalersinnaallutilluunniit inatsit § 9 naapertorlugu.
Qinnuteqartut inatsimmi §§ 3–8 piumasaqaatinik naammassinnittut tamatumunnga atatillugu iluuseqaqqissanngillat.
Kikkut qinnuteqarsinnaappat:
- Kinaluunniit inuk, suliffeqarfik, ingerlatseqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq. Eqqumaffigiuk qanigisariit arlalinnik qinnuteqarsinnaanngimmata.
- Makitsinermi qinnuteqarsinnaatitaasut tamarmik makitsinissamut ataatsimik peqartarnerat tunngaviusarpoq. Taamaalillunilu katissimallugu aapparisaq, inuit illoqatigiinneersut, imaluunniit inuit allat aamma/imaluunniit suliffeqarfiit qinnuteqaammut tunngatillugu annertuumik soqutigisaqarlutik attuumassutillit – qinnuteqarsinnaanngillat. Aammattaaq suliffeqarfiit inuilluunniit suliffeqarfimmi tamakkiisumik ilaannakortumilluunniit piginneqataasut, suliffeqarfiup aqunneqarneranut peqataasut allatulluunniit suliffeqarfimmut aqutsisunulluunniit qanittumik attuumassutillit nunaminertamik atuinissamut uani neqeroortitsinermut ataatsimik amerlanernit qinnuteqarsinnaanngillat. Suliffeqarfinnut, suliffeqarfissuarmut attuumassutilinnut aamma tamanna atuuppoq. Assersuutigalugu aappariinnut marluusunut, imaluunniit ingerlatseqatigiiffimmut taassumalu pisortaanut, imaluunniit ingerlatseqatigiiffinnut marlunnut ataatsimik pingaarnertut aningasaliisoqartunut il.il. immikkut qinnuteqarnissaq inerteqqutaavoq.
Qinnuteqaammut ilanngunneqassapput
- Sanaartorneq pillugu allaaserinninneq
- Sanaartornissamut piviusorsiortumik piffissamik pilersaarusiorneq, nunaminertamik atuinissamut inniminniinermut nunaminertamillu atugassinneqarnermut sanaartornissamullu akuersissutitalimmik piffissaritinneqartunik atuuttunik malinnittumik.
- Aningaasaliisinnaassuseqarnermik uppernarsaat: Qinnuteqartup uppernarsassavaa sanaartornissamut qinnuteqaammik piviusunngortitsinissamut aningaasaqarnikkut sapernagu inatsisitigut piffissaliunneqartut iluanni. Bankimit aningaaserivimmilluunniit qinnuteqartup qinnuteqarfiata nalaani aningaasaqarnikkut pissutsit atugai pillugit piviusumik naliliinikkut naliliisimaneq tunngavigalugu nalunaaruteqarnikkut uppernarsarneqassaaq, qinnuteqartoq sumiiffimmi qinnuteqaatigineqartumi pisariaqanngitsumik kinguaattoorani sanaartornermut aningaasaliissutissanik matussutissanik pissarsinissaminut piginnaasaqartuusoq. Uppernarsaanermi qinnuteqartup ukiuni arlalinni atorunnaarsinneqarsinnaanngitsumik attartortitsisuunini pillugu aalajaatsumik attartortoqarnera imaluunniit pissutsit tassunga assingusut, apeqqutaatinneqassanngillat. Sanaartugassap aningaasalerneqarnissaanut qularnaarisumik qinnuteqartup nammineq aningaasaqarnera naapertuutissaaq. Banki aningaasaateqarfilluunniit uppernarsaanermi nalunaarutigissanngilaa inatsisitigut pisussaaffeqarani, tassami banki nalunaarutiginninnerup imminiinnarmut tunngannginngitsuuneranut atatillugu pisussaaffeqarpoq, nalinginnaasumik akiligassaqartitsinermut atatillugu naliliinermut tunngaviit malillugit.
- Qinnuteqartoq nunaminertamik atuinissamut inniminneereersimappat imaluunniit sanaartorfigineqanngitsunut nunaminertanik atuinissamut tunineqarsimappat, nunaminertamik annermik pisariaqartitsineq ersarissumik paatsuugassaanngitsumillu uppernarsaasersorneqarsimassaaq. Tamanna uppernarsaasersorneqarsinnaanngippat imaluunniit nunaminertanik siornatigut sanaartornissamut annertuumik kinguaattoorfiusoqarsimappat, qinnuteqaammik itigartitsisinnaanini ingerlatsivik pisinnaatippoq.
- Pisortanut akiligassanik akilerneqanngitsunik peqannginnermut tunngasunik ilumoorluinnarluni uppernarsaaneq. Ilumoorluinnarluni nalunaarummi qinnuteqartup Kommune Akileraartarnermut Aqutsisoqarfimmut oqartussanulluunniit attuumassuteqartunut allanut akiitsoqarsinnaanermut tunngasunik paasissutissanik aallersinnaaneranik piginnaatissavaa. Qinnuteqartoq pisortanut kr. 100.000 sinnerlugit akiligassaqaruni, matumanilu sanaartorfissagissaanissamut piginneqataalluni akilersimanngisaminik, qinnuteqaat itigartinneqassaaq.
Qinnuteqaatit tamakkuninnga paasissutissanik uppernarsaatinillu imaqartut kisimik ilanngunneqassapput. Qinnuteqaatip tamakkiisuunissaa eqqortumillu paasissutissiinissaq qinnuteqartup akisussaaffigaa. Qinnuteqarfissatut piffissaritinneqartoq qaangiutinnginnerani qinnuteqaatit kommunimit misissorneqarneq ajorput.
Nunaminertamik inniminniinissamut qinnuteqarnissamut immersugassaq sermersooq.gl-imi imaluunniit linkimi uani aajuk:
Nunaminertamik inniminniinissamut qinnuteqarfissaq
Qinnuteqarnissamut piffissaliussaq
Qinnuteqaatit tamarmik 12. maaji 2026 sioqqullugu imaluunniit kingusinnerpaamik ulloq taanna nal. unnuap qeqqartinnagu tiguneqarsimasut ataatsikkut tiguneqartutut isigineqassapput. Qinnuteqaatit 12. maaji 2026 unnuap qeqqata kingornatigut tiguneqartut ilaatinneqassanngillat.
Tunniussisarnermut suleriuseq
Piumasarineqartunik naammassinnissimasut akornanni Kommuneqarfik Sermersooq makitsissaaq qinnuteqarnissamut piffissaliussap ilimagisamik sapaatit akunneri sisamat kingornagut. Sumi qaqugulu makitsisoqassanersoq pillugu qinnuteqartut nalunaarfigineqarumaarput. Makitsineq kikkunnut tamanut ammavoq kommunillu nittartagaatigut facebookikkullu qupperneratigut nalunaarutigineqarumaarluni.
Aammattaaq Kommuneqarfik Sermersuup nunaminertamik atugassiisarnermik nalinginnaasumik aalajangersagai innersuussutigineqarput.
Annertunerusumik paasissutissat Sanarfinermut Avatangiisinullu Ingerlatsivimmit pissarsiarineqarsinnaapput, sai@sermersooq.gl una EMN-2026-00702 innersuussutigineqarluni
Nunaminertamik inniminniinermut qinnuteqaat elektronikkikkut sai@sermersooq.gl ima ilisarnaaserlugu 4C8 Kuussuannguup eqqaani Akunnittarfiknassiunneqassaaq uunga