Kommuneqarfik Sermersooq maajimi ArcticExpo 2026 Nuummi ingerlanneqalerpat ammaaqataaleruni, aalisarnermi imarsiornermillu inuussutissarsiuteqartunit illoqarfik suliffeqarfinnit aningaasaleeqataasartuniillu katersuuffiussaaq.
Saqqummersitsinermi aalisarnermik inuussutissarsiorneq ukkatarineqassaaq – Kalaallit Nunaanni inuussutissarsiutit pingaarnerit ilaat – aamma aningaasaliiffissat nutaat suleqatigiinnerillu siunissami siuariartorfiunissaannut suliffeqarfeqalersitsinissaannullu qanoq peqataaffiusinnaanerat pillugit ukkataqarfiussallutik.
Saqqummersitsiffimmik aaqqissuisuuneq Kommuneqarfik Sermersuumut aamma ima isumaqarpoq, suliffeqarfilinnik nunanilu allanit peqataajartortunik annertusisamik oqaloqateqartarnissamut periarfissiisoq. Peqatigitillugu kommunimi aalisarnermik imarsiornermillu inuussutissarsiornermik ineriartortitsinissamut periarfissaasunik ukkataqarfiunissaanut pissutissaqalersitsivoq.
Aalisarneq Kalaallit Nunaanni avammut tunisassiornermi pingaarnersaasut ilagaat aammalu suliffissaqartitsinermi aningaasaqarnikkullu qitiusumik inissisimaffeqarluni. Aalisarnermik inuussutissarsiorneq naleqartitani tamani suliffissaqartitsiffiuvoq – piniarnermiit assartorneqarnissaannut suliarinerinut avammullu tunisassiarinerineqarnissaannut aammalu najukkami ineriartortitsinissamut pingaarutilerujussuulluni.
Kommuneqarfik Sermersuumi borgmesteritut Avaaraq Olsenip oqaatigaa, ArcticExpo inuussutissarsiuteqartunik ataatsimoortitsineq siuariartornissamullu nukittorsaanissamut pingaaruteqartoq:
“ArcticExpo 2026 inuussutissarsiutitta pingaarnersaannik ukkataqarnissamut periarfisseeqataavoq: Uatsinnut pingaaruteqarpoq suliffeqarfinnut sinaakkutissanik pitsaasunik pilersitsinissaq,suleqatigiinnermik nukittorsaanissaq aammalu suliffeqarfinnik ineriartortitsinermi pitsanngorsaanissaq – nuummi kommunillu sinnerani.”
Taamaattumik ArcticExpo 2026 ingerlanneqarnerani inuussutissarsiornermik ineriartortitsinissamik ikorfartuinissaq aammalu siunissami aalisarnermik inuussutissarsiuteqalersussanik ukkataqarnermi peqataanissaq kommunimiit kissaatigineqarpoq, najugaqartunit nunanilu allaneersunik suleqateqarluni nangittunik ineriartortitsiuarnissamut tunngaviliisuusumik.