Suliffeqarfiit assassornermut tunngasunik suliallit, kiffartuussinermut tunngasunik suliallit aammalu takornariaqarnermik suliallit kiisalu aalisartut piniartullu Tasiilameersut sisamanngormat workshoppertinneqarlutik ataatsimiipput. Tassani Kommuneqarfik Sermersuumi Inuussutissarsiornermut politikkissamut aammalu 2027-2037-mut Takornariaqarnermi tamakkiisumik pilersaarutissamut ilanngukkusutaminnik saqqummiussipput.
Hotel Angmagssalimmi workshoppertitsineq Kommuneqarfik Sermersuumit inuussutissarsiornermik inerisaanermi suliffeqarfiit innuttaasullu annertunerusumik peqataatinneqarnissaannut pilersaarummut ilaavoq. Kommunimi qularineqanngilaq, suliniutinik pilersitsiffiussasoq, annertuumik nunaqavissut pisariaqartitaannik naapitsiffiulluni aammalu illoqarfinni inoqarfinnilu periarfissanik ujartuiffiussasoq.
Workshoppernermi peqataasut suleqatigiikkuutaartinneqarput, taakkunanilu makkuninnga suliaqarnissamik periarfissinneqarput:
- Suliffeqarfiit ulluinnarni ingerlanerat sinaakkutissatullu atugarisaat
- Qaffassarneq ineriartornissamullu periarfissat
- Attaveqaasersuutit illutigullu atugassarititaasut
Suleqatigiikkutaat sammisat pillugit oqallilluarput isummatillu saqqummiullugit. Kommuneqarfik Sermersuumit tunniusimaneq takutinneqartoq ileqqorissaarfiusorlu pillugit peqataasut qutsavigiumaneqarput.
