Nuummi utoqqarnik paaqqutarinniffimmi Ippiarsummi najugallit ullumikkut sisamanngornermi Folketingimut qinersipput.
Najugaqartut suli pitsorinnerit pitsorippallaanngitsullu Innuttaasunik Kiffartuussivimmiit utoqqarnik paaqqutarinniffimmut aqqusaarnerini qinersinitik tunniuppaat. Innuttaasut taasisinnaatitaasut tamaasa taasinissaat periarfissaqartissallugit Innuttaasunik Kiffartuussivimmiit suliassat ilagivaat.
“Utoqqartatta qinersivimmukarlutik taasiartornissaminnut periarfissaqanngikkaluartulluunniit tamat oqartussaaqataaneranni peqataallutik periarfissaqartinneqarnerat uagutsinnut pingaaruteqartuuvoq, Ippiarsummi aqutsisoq,” Peter Lund Eriksen, oqarpoq.
Sapaatip akunnerata ingerlanerani utoqqarnik paaqqutarinniffik kalaallit partiivinit pulaarneqarput, najugaqartullu oqaloqatigineqarput. Pulaarnerini najugaqartut apersornissamut periarfissinneqarput qulequttallu pingaartitatik qinersinissaq sioqqullugu tusarnaarnissaannut periarfissinneqarlutik.
Innuttaasut kikkulluunniit tusaaneqarnissaat tamallu oqartussaaqataanerani suliat ingerlanneqarnerani peqataanissaat qulakkeerneqassasut Kommuneqarfik Sermersuumiit pingaartinneqarpoq – aamma immikkut ittunik aaqqiisoqartussaatillugu.
Ataasinngormat Utoqqaat Illuanni najugaqartut allakkatigut qinersinerat Innuttaasunik Kiffartuussivimmiit isumagineqarpoq. Innuttaasut allakkatigut taasinissamut periarfissaqartinneqarnerini Innuttaasunik Kiffartuussivimmit paaqqutarinniffinnut alakkarterinerat Ippiarsummi pulaarnermik naggataarneqarpoq. Innuttaasut angerlarsimaffimminniit qinersinissamik pisariaqartitsisut ulluni tulliuttuni isumaqatigiissuteqarnikkut aqqusaarneqarumaarput.
Ullormi taasivimmi marsip ulluisa 24-anni qinersivimmut biiliunneqarnissaq inunnut innarluutilinnut pitsorluttunullu neqeroorutigineqarpoq. Biiliutsinnissamik inniminniinissamut attavissat:
- Paamiut: 49 92 77
- Tasiilaq: 59 82 15
- Nuuk: 24 65 59
- Ittoqqortoormiit: 36 78 70
