Kalaallit Nunaanni folketingimut qinersinermut qinigassanngortittut allattorsimaffiannut ilanngunneqarnissamik qinnuteqaat

Qinersisartut kommunimi inuit nalunaarsorsimaffianni nalunaarsorneqarfigisimasaminni qinersisartut allattorsimaffianni ilanngunneqassapput.

Sumiiffiit kommunit aggornerisa avataanniittut Kommuneqarfik Sermersuumi taasiartorfissatut atatinneqassapput. 

Kalaallit Nunaanni folketingimut qinersisinnaatitaassaatit Kommuneqarfik Sermersuumilu qinersisartut allattorsimaffiannut ilanngunneqarsinnaassaatit, illit:

1. Qallunaatut innuttaassuseqaruit,
2. 18-inik ukioqalereersimaguit,
3. Kommuneqarfik Sermersuumi inuit nalunaarsorsimaffianni nalunaarsorsimaguit aamma
4. Nammineersinnaassusiiagaasimassanngikkuit

Inuit, najugaqarnermik piumasaqaat imm. 3-miittumik naammassinninngitsut, Kommuneqarfik Sermersuumi qinersinermut allattorsimaffimmi allassimanissaminnut qinnuteqarsinnaapput. Tamanna atuuppoq inunnut, piumasaqaatit sinnerinik naammassinnittunut, aammalu Kommuneqarfik Sermersuup avataani tulliuttut peqqutigalugit utaqqiisaasumik najugaqarsimasunut: 

1. Inunnut, Kalaallit Nunaata Namminersorlutik Oqartussaanni kiffartuussinissamik piumaffigineqarsimasunit naalajaaffiup avataani, aamma aappaannut, taakkununnga inunnut inooqataannut. Assinganik atuuppoq inunnut, qallunaat naalagaaffianiit kiffartuussinissamik piumaffigineqarsimasunit naalagaaffiup avataani, aamma aappaannut, taakkununnga inunnut inooqataannut. 
2. Inuit, pisortaqarfimmi sulisutut nunamut allamut suliartorlutik aallarsimasut, namminersortut suliffeqarfiutaanni imaluunniit naalagaaffiup iluani peqatigiiffimmi atorfeqartut.
3. Inuit, nunami allami nunarsuaq tamakkerlugu suliniaqatigiiffiit ilaanni, Danmarkimit ilaasortaaffigineqartumi, atorfeqarnertik pissutigalugu najugarigallakkaminniittut.
4. Naalagaaffimmi ikiuiniaqatigiiffik aqqutigalugu nunami allami suliartorlutik aallartitat.
5. Inuit ilinniagaqarlutik Kalaallit Nunaata avataaniittut
6. Inuit peqqinnissamut tunngasunik pissuteqarlutik Kalaallit Nunaata avataaniittut
7. Inuit, nunani allaniittut, naalagaaffimmut atassuteqarnermik siunertaqartumik attuumassuteqartut inunnut nr. 1-5-mut taaneqartunut sanilliunneqassapput.

Katissimanatik inooqatigiittut aappariillutik inooqatigiittunut sanilliunneqassapput, aallannginnerminni ataatsimut najugaqatigiilersimagunik.

Kommuneqarfik Sermersuumi innuttaasutut nalunaarsuivimmi nalunaarsimanngikkuit, kisiannili qulaani piumasaqaatit naammassisimallugit, taava qinersisinnaatitaanerit attatiinnarniarlugu qinersinermut allattorsimaffimmut ilanngunneqarnissat qinnutigissavat. Qinnuteqaat qinersinermi siulersuisunut valg@sermersooq.gl-imut tunniunneqassaaq ukuninnga paasissutissartalerlugu: 

• Aqqit tamarmik
• Inuuik
• Massakkut najugaq:
• Najugaq kingusinnerpaamik Kommuneqarfik Sermersuumi nalunaarutigineqartoq, tassunga ilanngullugit postnormu aamma illoqarfik/nunaqarfik
• Nunami allami najugaqarnermut peqqut 

Kalaallit Nunaanni naalagaaffiup sinniisua qinersinermut allattorsimaffimmut ilanngunneqarnissaq pillugu aalajangiisarpoq. 

Qinersisinnaatitaasut allattorsimaffiannut ilanngutsinnissamik qinnuteqaammik tunniussinissamut killigititaq tassaavoq ulloq 6. marsi 2026.