Sanarfinermut Avatangiisinullu Ingerlatsivik Ukkusissat Siorarsiorfik-mi oqqiffimmik (shelter) nappaanissamut qinnuteqaammik tigusaqarpoq.
Silamiinnermik nuannarisallit kikkulluunniit unnuiffigisinnaasaannik unillatsiarfigisinnaasaannik anginngitsumik nappaanissamut qinnuteqaat. Nunaminertaq 12,4 m2-imik annertussuseqarpoq, sumiiffimmilu sammisassaqartitsinermut iluaqutaassussamik inissiinissamik siunertaqarneq pineqarpoq.
Silataani qalliutaanut Kebony Characteri atorneqassaaq. Tassa qisuk norskit suliaat uuliamik ussissagaq ataneqqortuunngorsagaq, aserfallatsaalineqartarnissaanut annikitsuinnarmik suliassartaqarpoq, pisoqaliartortarneralu kigaatsuararsuulluni. Piffissap ingerlanerani manissiartortarpoq, nungullariartornermi qasertikkiartortarpoq, silamullu ‘akiuulluarsinnaassuseqarluarami’ asiujanngilaq imaluunniit ninngusuujugami iluseerutiasuunngilaq
Qinnuteqaat Kommunimut pilersaarut 2036 naapertorlugu suliaavoq. Immikkoortoq kommunimut pilersaarummut tapiliussami 4D11 – Quassussuaq Ukkusissallu. Immikkoortoq sanaartorfiusussaanngitsunut siunertanut pinngortitatut atorneqarnissaa aalajangerneqarpoq.
| Sumiiffik / Lokalitet | Avann. / Nord | Kipp. / Vest |
| Ukkusissat / Store Malene Siorarsiorfik | 64°09’2.92″N | 51°40’12.0″V |
Qinnuteqaammut oqaaseqaatissaqaruit akerliliissutissaqaruilluunniit, taakkua Sanarfinermut Avatangiisinullu Ingerlatsivimmut kingusinnerpaamik ulloq 23. decembari 2025-mi nassiunneqassapput.
Tusarniaanermut akissutit BOG-2020-11112-343-mik nalunaaqutseqquneqarput.
sai@sermersooq.gl
Kommuneqarfik Sermersooq
3900 Nuuk
MALUGIUK: Qinnuteqaat uunga ilaatinneqarpoq, pinngortitami pilersaarusiortarneq “Illuliat mikisut – Misigisassat annertuut”. Qinnuteqaatit assingusut arlallit tiguneqarnikuupput, oqqiffiliornissamullu qinnuteqaatit tamarmik immikkut tusarniutigineqarumaarput.
