Katuami marlunngormat innuttaasunik ataatsimiititsinermi illoqarfimmi takornarialerineq pillugu isummersortoqarlunilu misilittakkanik avitseqatigiiffiuvoq.
Innuttaasut 80-it missaani amerlassusillit Kommuneqarfik Sermersuumi takornarialerinermut immikkoortortaanik naapeqateqarput. Tassani Nuummi takornarialerinerup killiffia saqqummiunneqarpoq, ineriartorneq atugassarititaasullu suleqatigiinnermi isumaqatigiissummi ilaatinneqartut saqqummiunneqarlutillu oqallissutigineqarput.
Nuummi takornarialerineq annertusinikuuvoq. Kommuneqarfik Sermersuup kitaani hotelini unnuiffissat ukiut tallimat kingulliit ingerlanneranni marloriaataa sinnerlugu amerlipput, Kalaallit Nunaanni naatsorsueqqissaartarfik naapertorlugu. Unnuisarfinni unnuisut 2018-miit 2023-mut ukiumut 59.326-niit 112.494-inut amerlisimapput.
Nuummi takornariat amerliartornerannut innuttaasunut iluaqutaasussamik qanoq aaqqissuussiffigissanerlugit ilisimasavut maannakkut annertunerulerput.
Peqataasunut tamanut qujanaq!
