Kommuneqarfik Sermersooq ippassaq allaatigisaq ”Kommuneqarfik Sermersuumi inissiisarneq pillugu akerleriissumik saqqumiisoqartoq” pillugu Kommuneqarfik Sermersooq ullumi KNR-imut allakkamik nassiussivoq. Tusagassiuinermi ileqqorissaarnermi ajornartorsiutit allaatigisami eqqaaneqartut kiisalu paasissutissat eqqunngitsut innuttaasunut aamma ilaqutariinnut mianernartunut kingunerisinnaasai pillugit kommune inissiisariaqarpoq.
Kommuneqarfik Sermersuup tusagassiorfiit naqisimaneqanngitsumik tusagassiisinnaanerat ataqqivaa tapersersorlugulu nunami tamat oqartussaassuseqartumi. Taamaammat tusagassiorfiit meeqqat ilaqutariillu pillugit sammisaqartillugit paasissutissat uppernarsakkat tusagassiornermilu ileqqorissaarneq tunngaviulluinnartariaqarput.
Tusarniaasoqannginnera aamma uppernarsaasoqannginnera eqqunngitsumik tamanut saqqummiussinermik kinguneqarpoq
Paasissutissat isornartorsiuinermut tunngaviliisut uppernarsarniarlugit kommunimut attaveqaqqaarani KNR allaatigisamik saqqummiussisoq kommunimit paasineqarpoq. Tamanna tusagassiuinikkut tunngavissanut pingaarutilinnut ukununnga eqquutsitsinngilaq:
- Isornartorsiorneqartumik tusarniaaneq
- Tigulaariffittut najoqqutanik nalilersuilluarneq
- Oqaatigisat ataasiakkaat aamma suliat uppernarsarneqartut akornanni immikkoortitsineq
Tunngaviit taakkua malinneqanngippata, oqartussat suliaannik eqqunngitsumik tusagassiutit ingerlatitseqqiisinnaapput – aamma innuttaasuni ikorfartuinitsinnit pinngitsuuisinnaanngitsuni toqqissisimannginnermik pisariaqanngitsumik pilersitsisinnaapput.
Tusagassiuinermi ileqqorissaarneq meeqqat eqqartorneqartillugit immikkut eqqumaffiginiagassaavoq
Kommuneqarfik Sermersuumit erseqqissarneqarpoq, meeqqat aamma ilaqutariit aalajangersimasut pillugit suliat oqaaseqarfigineqarunnanngitsut. Tamanna inatsisitigut piumasaqaataavoq akisussaaffitsinnullu tunngaviusumik ilaalluni. Taamaattumik pingaaruteqarpoq, tusagassiutit paasissutissat ilumoornersut uppernarsaanissaat aamma tamanut inerniliisoqartinnagu sukumiisumik nassuiaatinik pissarsiniartoqassasoq.
Allaatigisami kommunimi sukumiisumik periutsit ilaqutariit misigisaannut atassuteqalersinneqarpata – kommunilu akissuteqarnissaanut periarfissinnagu – suliatsinnut eqqunngitsumik takussutissiinermik pilersitsissaaq aamma suleriaatsinut meeqqanik illersuisunut tatiginninnermik annikillisitsissalluni.
Borgmesterip akissuteqarsinnaassusaanik kukkusumik takussutissiineq
Allaatigisami allaqqavoq, borgmesteri Avaaraq Olsen oqaaseqarumasimanngitsoq. Allaatigineqartussaq pillugu saaffiginnittoqarnikuunngimmat tamanna eqqunngilaq. Kommune erseqqissaavoq, borgmesteri – pisarnermisut – nalinginnaasumik aperineqarsinnaasoq, kisianni ilaqutariit aalajangersimasut pillugit oqaaseqassanngitsoq. Tamanna ammasuunermik taamaatitsinerunngilaq, kisianni meeqqat ilaqutariillu inatsisitigut illersugaanerat eqqarsaatigineqartoq.
Taamaattumik issuaaneq allaatigisamiittoq eqqortuunngilaq kommunimillu oqaaseqaateqarusunnermut eqqunngitsumik isiginninnermik pilersitsilluni.
Borgmesterip allakkamik ammasumik allagaqarsimanera pillugu KNR saaffiginnippoq tassunga tunngasumik apersorusullugu, allaaserisamulli saqqummertussamut saaffigineqarnani. Allakkanut ammasumut borgmesteri ilassutissaqanngimmat apersorneqarnissaa itigartitsissutigaarput.
Allaaserisamulli nutaamut borgmesteri saaffigineqanngilaq, taamaammat borgmesteri oqaaseqarusussimannginneranik allaaserinninneq eqqunngitsumik paasissutissiineruvoq.
Patajaatsumik tusagassiunermi ileqqorissaartumik suleqatiginnikkumaneq
Kommuneqarfik Sermersooq siusinnerusukkut KNR-imut isummersoqataaqqusivoq tusagassiutit sulianut meeqqanut ilaqutariinnullu mianernartunut qanoq pitsaasumik ingerlatitseqqiisarnissaat pillugu. Taanna isummersoqataaqqusineq maanna uteqqinneqarpoq. Kommunimit patajaatsumik tusagassiuinermi ileqqorissaartumik suleqatigiinnissaq kissaatigineqarpoq, taakkunani:
- Paasissutissat eqqortut ingerlateqqinneqartassallutik
- Ilaqutariit ataasiakkaat nalinginnaasumillu suleriaatsip akornanni ersarissumik immikkoortitsisoqassasoq
- Paasissutissat isornartut saqqummiunneqartinnagit oqartussat tusarniarneqassasut
- Innuttaasut mianernartut tamat oqallinneranni ajornartorsiulersinneqassanngitsut
Pingaartitassat: Inatsisitigut illersugaaneq, ammasuuneq akisussaaffeqarnerlu
Ulluinnarni meeqqat, ilaqutariit aamma innuttaasut pitsaanerpaamik ikorfartorneqarnissaat qulakkeerniarlugu Kommuneqarfik Sermersuumi sulisoqarpoq. Innuttaasut mianernartut tatiginninnerlu kommunimit ingerlanneqartussaq paasissutissat eqqunngitsut ajoqusersinnaavaat. Taamaattumik tusagassiuinermi ileqqorissaarnissaq – aamma pingaartumik paasissutissanik eqqortumik oqaatiginninnissaq – assut pingaaruteqarpoq.
Tusagassiutinut suleqatiginninnissamut, oqaloqatigiinnissamut aamma sukumiisumik nassuiaateqartarnissamut ammasuujuassaagut. Kisianni meeqqat aamma ilaqutariit mianernartut akisussaassusilimmik tusagassiuinermilu ileqqorissaarnissamut ataqqinnittumik eqqartorneqartarnissaat suli piumasaqaatigissavarput.
Paasissutissanik amerlanerusunik pissarsiniarluni:
Meeqqat ilaqutariillu eqqarsaatigalugit kommunimit suliat aalajangersimasut oqaaseqaateqarfigineqassanngillat.
Suleriaaseq tusagassiutinillu suleqatiginninneq pillugit apeqqutit sukumiisut Kommuneqarfik Sermersuumi Attaveqaqatigiinnermut immikkoortortaqarfimmut saaffiginnissutigineqassapput.