Kommuneqarfiup Allaffiata eqqaani biilinut uninngasarfiup nunaminertaani marriornermik sannaviliornissamut nunaminertamut akuersissut ukiunut tallimanut killiligaasoq pillugu qinnuteqaat Sanarfinermut Avatangiisinullu Ingerlatsivimmit tiguneqarpoq.
Qinnuteqartoq containerit marluk qallikkat qalianillu qulisat ikkullugit marriornermut sannavittut nappaanissamut kissaateqarpoq, ataatsimut kattullugit (takissusia 9,7 m, silissusia 3,1 m, portussusia 3,1 m). Containerit sanaat annertussusaat ataatsimut ima angitigissapput 9,7 m x 6,2 m.
Kommuneqarfiup Allaffiata eqqaani biilinut uninngasarfiup nunaminertaaniissasoq kissaatigineqarpoq. Sanaartugassaq utaqqiisaasumik atorneqarnissaa siunertaavoq. Pilersaarut nunaminertamut allannguuteqartitsinavianngilaq.
Immikkoortoq Kommunimut pilersaarummut tapiliussamut Aqutsisoqarfimmiittumut 1C12 -imut ilaatinneqarpoq. Immikkoortup illoqarfiup qeqqanut siunertaqartunut atorneqarnissaa aalajangersarneqarpoq.
Innuttaasut soqutigisaqaqatigiillu allat oqaaseqaateqarniassammata immikkoortumilu sanaartorfissamik atugassiisoqarnikuunngimmat, qinnuteqaat tamanut tusarniaassutigineqassaaq.
Qinnuteqaammut oqaaseqaatissaqaruit akerliliissutissaqaruilluunniit, taakkua Sanarfinermut Avatangiisinullu Ingerlatsivimmut kingusinnerpaamik ulloq 9. decembari 2025-mi nassiunneqassapput.
Tusarniaanermut akissutit BOG-2025-00995-001-mik nalunaaqutseqquneqarput.
Akissutit uunga nassiunneqassapput:
Kommuneqarfik Sermersooq
Sanarfinermut Avatangiisunullu Ingerlatsivik
Nunaminertanut tunngasunik oqartussaqarfik
3900 Nuuk
