Nuummi tammajuitsussanik piniarnerup iluani ilisimasortanik nutaanik 16-inik ilinniakkamut Kommuneqarfik Sermersooq naammassisitseqqammerpoq.
Peqataasut, tamarmik Nuumminngaaneersuusut, 3. november-imiit 7. november 2025-ip tungaanut kursus-imik sakkortuumik ingerlataqarsimapput. Kursus-i, tammajuitsussanik piniarnermik takornariartitsinerup iluani, ilaatillugit nalinginnaasumik suliassanik saqqummiinermut, piniagassanik angisuunik passussinermut, tammajuitsunik piareersaanermut aamma piniariaatsinik ilitsersuinermut, atuagarsornermik aammalu suliassartanut sungiusarnermik ilaqarpoq. Aammattaaq, piareersaanermut aammalu tammaarsimaffinnik ataqatigiissaarinermut, peqataasut ilinniartinneqarput. Kursus-i soraarummeerummik naggaserneqarpoq.
Kursus-imi, qanoq tammajuitsussanik piniariat pitsaanerpaamik kiffartuunneqarsinnaanersut sammineqarpoq. Kiffartuunneqarluarneq annertuumik misigisap ilagivaa. Tammajuitsussanik piniariartartut amerlasuutigut Kalaallit Nunarpiaat maanilu neqeroorutigisinnaasagut misigiumallugit sivisuumik angalaqqaartarput.
Assersuutigalugu pisap eqqortumik aattornissaa aammalu ammip, imaalillugu ukioq aaffarmiit ilivitsoq tikivillugu allanngutsaalillugu aanaveersaasartumut nassiunnissaa pingaarutillit ilagivaat. Tamatumuunakkut tammajuitsussaminik piniariartup tammajuitsussami annaannginnissaa qulakkeerneqassaaq.
Per Nukaaraq Hansen-imit aamma Jørgen Christensen-imit, ilinniartitsisunit misilittagalinnit kursus-i ingerlanneqarpoq. Ilisimasortanngortut nutaat, Sermersuumi tammajuitsussanik piniariartarnermik takornariaqarnermut tapersiinissamut piareersimapput.
Peqataasut:
Alataq Møller Karlsen, Alex Hermansen, Isak Brandt Hansen, Karl Thorsen, Lars Ole Lyberth, Mala Broberg, Maligiaq Padilla, Malik K. Andersen, Malik Leif Holm, Milo Thorsen Fisker, Nukappiaraq Kristiansen, Ole Rasmussen, Ole Egon Møller, Palu Hansen, Pia Broberg aamma Poul Jørgen Holm.
