Sanarfinermut Avatangiisinullu Ingerlatsivik

Tusarniaaneq: Saunagus nuunneqarnissaa

1 week tilbage

Sanarfinermut Avatangiisinullu Ingerlatsivik saunagus nuunneqarnissaanut nunaminertamik atugassinneqarnissamik qinnuteqaammik tigusaqarpoq. Saunagus Kangillinnguit sissaani inissisimavoq, Borgmester Anniitap Aqqusernganut nuunneqarnissaa kissaatigineqarpoq. Sumiiffik kommunimut pilersaarummut tapiliussamut 3E5 – Nuummi Mittarfimmut ilaavoq.

Nuutsinissaq siunnersuutigineqarpoq, sumiiffik avinngarusimanerummat taamaattumillu saunagusip pujuata tipaa akornutaasinnaanera peerniarlugu.

Qinnuteqaat pillugu oqaaseqaatissaqaruit akerliliissutissaqaruilluunniit Sanarfinermut Avatangiisinullu Ingerlatsivimmut nassiussinnaavatit, kingusinnerpaamik ulloq 21. oktobar 2025. 

Tusarniummut akissuteqaat ima nalunaaqutserneqassaaq BOG-2022-01952-007.

Akissut uunga nassiunneqassaaq:

Kommuneqarfik Sermersooq
Sanarfinermut Avatangiisinullu Ingerlatsivik
Sanaartornermut Nunaminertanullu Oqartussaqarfik
Postboks 1005, 3900 Nuuk

sai@sermersooq.gl