Kommuneqarfik Sermersuumit neqeroorut: Nuummi tammajuitsussarsiorluni piniartitsinermut ilisimasortaanissamut pikkorissarneq. Pikkorissarneq takornarialerinermik suliaqartartunut, piniartunut aamma aalisartunut aammalu TAAMAALLAAT Nuummi innuttaasunuinnaq, sammivoq.
Amerlanerpaamik inunnit 16-init peqataaffigineqarsinnaavoq.
Pikkorissarneq makkuninnga imaqarpoq:
- Tammajuitsussarsiortunik piniartitsineq pillugu paasissutissat nalinginnaasut
- Pisat angisuut passunnissaanut teori
- Tammajuitsussat aanaveersarneri
- Piniarneq pillugu teoretiskimik ilitsersuineq
- Piniarniarnermi suliarineqartartut pillugit ilitsersuineq
- Tammajuitsussat aanaveersaarnissaannut sungiusarnerit
- Tammajuitsussarsiortunut ilisimasortaaneq
Pikkorissarnerup sivisussusaa: Ullut ilivitsut tallimat (Ilitsersuinerit 40-t)
Pikkorissarnerup akia: Peqataasumut ataatsimut 6.000 kr. Kursus-imut akiliutaasussaq pikkorissaqataanissamut tigutinnermi akileqquneqassaaq.
Pikkorissarnissamut piffissaq aamma sumiiffissaq: Pikkorissarneq Nuummi ingerlanneqassaaq. Ilinniartitsiffissa aamma sungiusarfissaq sumiiffik, pikkorissarnerup aallartinnissaata qanillinerani nalunaarutigineqassaaq.
Ullut: Ataasinngorneq ulloq 3. novembarimiit tallimanngornerup ulloq 7. november 2025-p tungaanut.
Qinnuteqarfissaq ulloq kingulleq: 10. oktober 2025
Tiguneqarsinnaalernissat eqqarsaatigalugu tulliuttunik imalimmik piumassuseqalersitsisumik qinnuteqaasiussaatit:
- Ateq
- Inuuiit
- Najukkat
- E-mailit
- Peqataarusunninnut pissutaasut nassuiakkit
Sapinngisamik tamakkuninnga suliaqartartuniit assigiinngitsuniit amerlanerpaaniit inissaqarnissaa qulakkeerumallutigu – suliffeqarfimmiit ataatsimiit amerlanerpaamik marlunnik peqataasoqarsinnaanera killeqarpoq.
Qinnuteqaat mail-ikkut nassiunneqassaaq, uunga: inpi@sermersooq.gl
Pikkorissarnermi sungiusaasunit qinnuteqaatit misissorneqassapput. Qinnuteqartutut pikkorissarnermut imaluunniit utaqqisunut tigutissimanerlutit – kingusinnerpaamik ulloq 15. oktober 2025 – ilisimatinneqarumaarputit.
Angalanermut- aamma unnuinermut aningaasartuutit: Pikkorissartussat Nuummi najugaliinnaassammata angalanissamut- aamma unnuinissamut angingaasartuutinut matussusiisoqassanngilaq.
Oqaatsit pikkorissarnermi atorneqartussat: Pikkorissartitsineq Kalaallisut ingerlanneqarumaarpoq.
Pikkorissarnissamut peqataasinnaajunnaarnermi nalunaarneq: Ilaatigut taamaatiinnarnerusinnaasumi aningaasartuutinik annikillisimatinneqarniassammata, minnerunngitsumilli aamma allat soqutiginnittut utaqqisuniittut periarfissinneqarniassammata, pikkorissarnermut tigutereersimagaluarlutit taamaatiinnartariaqalissaguit, illit pikkorissartussatut taamaatinnerit piaartumik piffissaqarluarallartillugulu nalunaarnissat pingaaruteqarpoq.