Aninagasaqarnermut Inuussutissarsiornermullu Ataatsimiititap aggustip 22-ianni 2025 aalajangerpaa, kommunimut pilersaarummut tapiliussatut siunnersuut 100O10-1 tamanut tusarniaassutigineqassasoq.
Siunertaa
Kommuneqarfik Sermersooq akiliilluni qissattaammik eqalunniartitsisarnissamik akuersissutinik qinnuteqaammik tigusaqarpoq. Akuersissuteqarfinnik atugassiissuteqarnissamut qinnuteqaat 2024-mi oktobarimi Illoqarfimmik Ineriartortitsinermut Sanaartornermullu Ataatsimiititamit akuersissutigineqarpoq, tamatumalu kingorna pilersaarusiorneq aallartinneqarpoq.
Ingerlatsivimmit taakkununnga immikkuualuttunut pingasunut pilersaarutitut tunngavik ataatsikkut akuersissutigineqarnissaat siunniunneqarpoq, taamaattorli akiliilluni aalisarnissamut akuersissuteqarfinnik pisariaqartitsinerup annertusiartornera naapertorlugu atuutilersinneqarsinnaallutik.
Pilersaarummi siunertat tunngaviillu:
- Nuup avataani nunaannarmi takornariaqarnikkut siuarsaanissaq pillugu akiliilluni qissattaatinik eqalunniarnissamut (Salvelinus Alpinus) pisinnaatitsissutinik atugassiinissamut nutaamik immikkoortup ilaanik atugassiisoqassasoq.
- Immikkoortup inuilaarsuartut isikkoqarnissaa aamma tamanut tikinneqarsinnaanissaa qulakkeerneqassasoq.
- Takornarianut sukisaarsaatigalugu aalisariartunut atugassarititaasut pitsaasut qulakkeerneqassasut – inuussutissarsiutigalugu aalisartunut piniartunullu kiisalu nalinginnaasunut tamanut killilersuinngikkaluarluni.
- Sumiiffinni pineqartumi atugassiissutigineqartut iluini aalaakkaasumik sanaartorfiunngitsuni utaqqiisaasumik akuersissummut attuumassuteqartumik tammaarsimaarfiliornissamik tassungalu atasunik atortulersuinissamut periarfissaqartitsinissamik qulakkeerinnittoqassasoq.
Tamanut oqallisissiaq
Pilersaarutitut siunnersuut piffissami 10. septembarip – 5. novembarip 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit kingusinnerpaamik 5. novembari 2025 uunga nassiunneqassapput: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani www.sermersooq.gl -imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.