Aninagasaqarnermut Inuussutissarsiornermullu Ataatsimiititap aggustip 22-ianni 2025 aalajangerpaa, kommunimut pilersaarummut tapiliussatut siunnersuut 100K110 tamanut tusarniaassutigineqassasoq.
Siunertaa
Kommunimut pilersaarummut tapiliussaq una nunaannarmi Kangerluarsussuup avataani qeqertani anginerusuni – tassunga ilanngullugu qeqertaasaq Sangusuk, immikkoortup ilaalu taamak taaguuteqassalluni, illuaraqarfissamik atugassiisoqarnissaa pillugu suliarineqarpoq. Immikkoortoq nipisanniarfinnaajuvoq, taamaattumik innuttaasunit immikkoortup illuaraqarfissatut kissaatigineqarnera saqqummiunneqarpoq.
Pilersaarummi siunertat tunngaviillu:
- Immikkoortup ilaa 100K110-p illuaraqarfissatut atugassanngortinneqassasoq.
Tamanut oqallisissiaq
Pilersaarutitut siunnersuut piffissami 10. septembarip – 5. novembarip 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit kingusinnerpaamik 5. Novembari 2025 uunga nassiunneqassapput: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani www.sermersooq.gl -imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.