Aninagasaqarnermut Inuussutissarsiornermullu Ataatsimiititap aggustip 22-ianni 2026 aalajangerpaa, kommunimut pilersaarummut tapiliussatut siunnersuut 4B10-1 tamanut tusarniaassutigineqassasoq.
Siunertaa
Kommunimut pilersaarummut tapiliussaq Ujaqqeriviliornissamut aamma inuussutissarsiuteqarfiliornissamut pilersaarutitut qinnuteqaat aallaavigalugu suliarineqarpoq, taanna kommunalbestyrelsimit oktobari 2024-mi akuersissutigineqarpoq.
Kommunimut pilersaarummut tapiliussap immikkoortup ilaa 4B10 immikkuualuttunut A-mut B-mullu avinneqarpoq. Tamanna kommunimut pilersaarummut tapiliussaq immikkoortup ilaanut A-mut illoqarfiup ilaanut pilersaarusiorfiusumi aalajangersakkanik sukumiisunik aalajangersaavoq.
Inuussutissarsiornermut siunertalinnut nunaminertani inissiivittalinnik immikkuualuttumi A-mi sanaartorfissanik qulinik immikkoortitsisoqarpoq. Nunaminertat ataatsimoortinnissaannut periarfissaqarpoq. Inuussutissarsiuteqarfik immikkoortukkaarlugu pilersinneqarpoq sanaartorfissagissaanermut atatillugu utaqqiisaasumik ujaqqeriveqarluni.
Tamanut oqallisissiaq
Pilersaarutitut siunnersuut piffissami 10. septembarip – 5. novembarip 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit kingusinnerpaamik 5. novembari 2025 uunga nassiunneqassapput: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani sermersooq.gl-imi tusarniaaneq iserfigalugu atuarneqarsinnaavoq.