Kommuneqarfik Sermersuup aamma Pinerluuteqarnermut Isumaginnittoqarfiup akornanni suleqatigiinnissamik isumaqatigiissut tunngavigalugu kommunip ingerlatsinermi suliassai Pinerluuteqarnermut Isumaginnittoqarfimmit suliarineqangaatsiarput.
Perngarfimmi iliveqarfik salinneqarpoq ungaluilu qalipanneqarlutik. Taamatuttaaq Qinngutsinni oqquiffiit eqqaanni sissarlu sinerlugu aqqutini saliisoqarluni, kiisalu aamma sissaq sinerlugu aqqutini aputaajaasoqarluni.
Suleqatigiinneq aasaanerani ukiaaneranilu ingerlanneqassaaq, matumani kussinernik saliinissaq aammalu immikkoortunik qorsooqqissunik saligaatsuutitsinissaq pilersaarutigineqarlutik. Immikkoortumut matoqqasumut bussit unittarfii minnerpaat angallanniarneqassapput, taamaalillugit iluarsartuunneqarnerisigut qalipanneqarnerisigullu pitsanngorsarneqarniassammata.
Suleqatigiinneq Kommuneqarfik Sermersuup qujamasuutigeqaa, suliassarpassuimmi ulluinnarni ulapinnerup nalaani sivisuumik suliassaagaluit aaqqinneqarsinnaasarmata – avatangiisinut innuttaasunullu iluaqutaasumik.
Kommunip aamma Pinerluuteqarnermut Isumaginnittoqarfiup akornanni suleqatigiinnissamut isumaqatigiissuteqarnikkut isertitsivimmiittut pingaaruteqartunik sammisassaqartinneqalissapput nutaanik piginnaasaqalersitsisunik aammalu illoqarfimmiunut iluaqutaasussanik utertitseqqissinnaassallutik.
Kommuneqarfik Sermersuup aamma Kalaallit Nunaanni Pinerluuteqarnermut Isumaginnittoqarfiup akornanni suleqatigiinnissamik isumaqatigiissut ukioq kingulleq isumaqatigiissutigineqarpoq.
Paasissutissat annertunerusut uani atuarsinnaavatit